بین الاقوامی میڈیا رپورٹس کے مطابق معروف کمپنی یاہو نے بڑھتے ہوئے افراط زر اور شرح سود میں مسلسل اضافے کے باعث کمپنی سے ملازمین کی قابل ذکر تعداد فارغ کرنے کا فیصلہ کیا ہے۔
مرحلہ وار نکالنے کے منصوبے کے تحت کمپنی تقریباً 1000 ملازمین کو فارغ کر دے گی۔
اگلے 6 ماہ میں 600 ملازمین کو برطرف کیا جائے گا ۔ جس سے ملازمین کی تعداد میں 20 فیصد کمی آئے گی۔
رپورٹ کے مطابق یاہو اپنے اشتہاری کاروبار کا ایک حصہ بند کر دے گا جو ڈیجیٹل پلبشرز کو اشتہارات فروخت کرنے میں مدد کرتا ہے۔
یاہو کے ترجمان کا کہنا تھا کہ ہمیں یقین ہے کہ یہ تبدیلیاں طویل مدت تک ہمارے اشتہاری کاروبار کو آسان اور مستحکم بنائیں گی۔
واضح رہے کہ جنوری میں امریکا میں ملازمتوں سے برطرفی دو سال کی بلند ترین سطح پر پہنچ گئی ہے۔
