شمالی وزیرستان کے وزیرستان انسٹی ٹیوٹ آف ٹیکنیکل ایجوکیشن میں کانووکیشن کا انعقاد ہوا، پاک فوج کے تعاون سے قائم نوجوانوں کی تکنیکی تعلیم میں اہم سنگ میل کی حیثیت رکھنے والا واحد ادارہ ہے جہاں سے اب تک 340 طالب علم فارغ التحصیل ہوچکے ہیں۔
آپریشن ضرب عضب کے بعد پاک فوج نے ’تعلیم اور ہنر ایک ساتھ‘ کے عزم کے تحت 2016 میں شمالی وزیرستان میں وزیرستان انسٹی ٹیوٹ آف ٹیکنیکل ایجوکیشن کے نام سے ایک ادارے کی بنیاد رکھی۔
اس انسٹی ٹیوٹ میں اپنے قیام سے اب تک 340 نوجوان نہایت ہی قلیل مدت میں تکنیکی تعلیم مکمل کرچکے ہیں، اس سلسلے میں وزیرستان انسٹی ٹیوٹ آف ٹیکنیکل ایجوکیشن میں پانچویں تربیتی کورس کی تکمیل پر کانووکیشن منعقد ہوا۔
مزید پڑھیں
چھ مہینوں پر محیط کورس میں سو نوجوانوں کو آٹومکینک، ویلڈنگ، الیکٹریشن اور کمپیوٹر کورسز کی تربیت دی گئی، طلباء کو تعلیم اور تربیت کے علاوہ مفت رہائش، ماہانہ وظیفہ سمیت کھانے پینے کی سہولیات بھی دی گئیں۔
کورس کامیابی سے مکمل کرنے پر طلباء کو زورگار اور باہر نوکری کے لیے بھی منتخب کیا گیا، کورس کا مقصد نوجوانوں میں مختلف شعبوں کے حوالے سے ضروری ہنر اور بنیادی تعلیم فراہم کرکے ان کی صلاحیتوں کو کارآمد بنانا ہے۔
کامیاب طلباء کو ٹیوٹا (TEVTA) سرٹیفکیٹس، لیپ ٹاپس اور دیگر انعامات سے نوازہ گیا، تقریب کے مہمان خصوصی جی او سی شمالی وزیرستان تھے، نوجوانوں اور علاقے کے مشران نے نوجوانوں کو ہنر مند بنانے کی اس کاوش پر پاک فوج کا شکریہ ادا کیا۔ اور انسٹی ٹیوٹ کو علاقے کی ترقی اور خوشحالی میں اہم پیش رفت قرار دیا۔