نگران وزیراعظم پاکستان انوارالحق کاکڑ نے کہا ہے کہ معاشی چیلنجز کے باوجود معیشت کے لیے ہمارا عزم غیر متزلزل ہے۔
ہفتہ کو اپنی ایک ٹوئٹ میں انوارالحق کاکڑ نے کہاکہ معاشرے کے ہر طبقے کے تعاون سے پاکستان کو آگے لے جانا ہے۔ تاجر سے وکلا، کسان سے انجینئر تک اور فنکار سے ڈاکٹر تک معاشرے کا ہرطبقہ پاکستان کے خواب کی تعبیر میں معاونت کررہا ہے۔
In the midst of economic challenges, our unwavering commitment to financial prudence stands strong. From vendors to lawyers, farmers to engineers, artists to doctors, and every other segment of the society, their contribution propels the Pakistani Dream. Together, with this… pic.twitter.com/dWkOck7B2t
— Anwaar ul Haq Kakar (@anwaar_kakar) August 19, 2023
انہوں نے کہا کہ اس متنوع تعاون کے ساتھ ملک کے روشن اورخوشحال مستقبل کے لیے سفر جاری ہے۔
واضح رہے کہ انوارالحق کاکڑ نے وزارت عظمیٰ کا منصب سنبھالتے ہی اس عزم کا اعادہ کیا تھا کہ معاشی پالیسیوں کا تسلسل برقرار رکھا جائے گا، اور نگراں حکومت غیر ملکی معاہدوں کی پاسداری کرے گی۔
نگراں وزیراعظم نے اس عزم کا بھی اعادہ کیا تھا کہ مقررہ مدت کے دوران ملک کو آگے لے جانے کے لیے اقدامات کیے جائیں گے۔