پشاور ہائیکورٹ نے اپنے فیصلے میں ایک کیس میں عبوری ضمانت پانے والے ملزم کو دوسرے کیس میں گرفتار کرنے کے لیے عدالت کی اجازت لازمی قرار دے دی۔
پشاور ہائیکورٹ نے فیصلے سے صوبے کے تمام ضلعی عدالتوں کو مطلع کرنے کے لیے مراسلہ جاری کردیا ہے۔
عدالتی مراسلے میں واضح طور پر درج کیا گیا ہے کہ ایک مقدمے میں نامزد ملزم کو عبور ی ضمانت مل جانے کے بعد دوسری مقدمے میں گرفتار نہیں کیا جا سکتا۔
مزید پڑھیں
ہائیکورٹ کے مطابق کسی ملزم کی دوسرے کیس میں گرفتاری مطلوب ہو تو پولیس، قانون نافذ کرنے والے ادارے کو عدالت سے اجازت لینی ہوگی۔
عدالت نے قرار دیا ہے کہ پولیس، دیگر پراسیکیوشن ایجنسیز کو عدالت کی اجازت کے بغیر کسی کو دوبارہ گرفتار کرنے کی اجازت نہیں ہے۔
