پاکستان کی نابینا کرکٹ ٹیم نے ورلڈ بلائنڈ گیمز کے میچ میں بھارت کو 18 رنز سے شکست دے دی۔
اتوار کو انگلینڈ کے شہر برمنگھم میں پاکستان اور بھارت کی نابینا کرکٹ ٹیموں کے درمیان ورلڈ بلائنڈ گیمز کے ایک اہم میچ میں پاکستان نے بھارت کو 18 رنز سے شکست دے کر میچ اپنے نام کر لیا۔
پاکستان کی جانب سے کپتان نثار علی اور محمد سلمان نے شاندار بلے بازی کرتے ہوئے ہوئے بالترتیب 46 اور 50 رنز بنائے۔
انہوں نے پاکستان کی نابینا کرکٹ ٹیم کو 188 رنز تک پہنچنے میں مدد کی جبکہ بھارتی ٹیم بڑے ہدف کا تعاقب کرتے ہوئے انتہائی مشکلات سے دو چار نظر آئی۔
بھارتی ٹیم صرف 169 رنز بنا کر آؤٹ ہو گئی اور پاکستان نے یہ میچ با آسانی جیت لیا۔ بلائنڈ وولڈ کرکٹ گیمز کا فائنل میچ 26 اگست کو کھیلا جائے گا۔
پاکستان بلائنڈ کرکٹ ٹیم ماضی میں عالمی چیمپیئن رہ چکی ہے، اس نے 2002 اور 2006 میں 40 اوورز کا ورلڈ کپ جیتا تھا۔ لارڈ میئر کونسلر چمن لال نے پاکستانی کھلاڑیوں کا استقبال کیا۔