یونان کشتی حادثہ کی رپورٹ تیار، حقائق کیا ہیں؟

یونان کے پانیوں میں ڈوبنے والی تارکین وطن کی کشتی کی حتمی رپورٹ وزارت داخلہ کوبھجوادی گئی ہے، رپورٹ میں خاندانوں، رشتے داروں کی معلومات پر 147 انسانی اسمگلرز کی نشاندہی کی گئی ہے۔

رپورٹ کے مطابق واقعے کے بعد 163 مقدمات درج ہوئے، 3 انکوائریاں مکمل کی گئیں، کریک ڈاؤن کے دوران 36 انسانی اسمگلرز کو گرفتار کیا گیا، 32 بیرون ملک ہیں۔

مزید پڑھیں

• یونان کشتی سانحہ: ’میرا بچہ میرے پیٹ میں ہی یتیم ہو گیا‘

  

• لیبیا میں غیرقانونی تارکین وطن کی کشتی ڈوب گئی، 61 افراد ہلاک

  

• لیبیا کشتی حادثے میں ملوث گرفتار انسانی اسمگلر کو 20 سال قید، 14 لاکھ جرمانے کی سزا

  

• ترکیہ کے قریب کشتی حادثے میں پاکستانی شہری بیوی اور بچوں سمیت جانبحق

  

• ایک سال میں کتنے تارکین وطن بحیرہ روم کے پار اسمگل کیے گئے؟

  

• بحیرہ روم میں 2 کشتیوں کے حادثے میں 11 افراد ہلاک، 64 لاپتہ

  

• یونان کشتی حادثہ، جاں بحق 99 فیصد مسافر پاکستان سے قانونی طور پر گئے تھے، وزیر داخلہ

  

• کراچی: ایف آئی اے نے انسانی اسمگلنگ میں ملوث ملزم دھر لیا

  

رپورٹ میں بتایا گیا کہ ایف آئی اے نے 262، وزارت خارجہ نے 278 متاثرہ خاندانوں کی فہرست تیار کی، واقعے میں 12 پاکستانیوں کو بچا لیا گیا تھا، 262 لواحقین کے ڈی این اے سیمپل لیے گئے۔

رپورٹ میں بتایا گیا کہ نادرا کو 82 افراد کے فنگر پرنٹس کا ڈیٹا فراہم کیا گیا، 15 مقتولین کے فنگر پرنٹس میچ کرگئے۔

رپورٹ میں انکشاف کیا گیا ہے کہ متاثرین کی اکثریت پاکستان سے ای ویزہ پر بیرون ملک سفر کر کے لیبیا پہنچی، لیبیا سے وہ مچھیروں کی کشتی پر یونان کے لیے روانہ ہوئے تھے۔

واضح رہے کہ 14 جون کو یونان کے ساحل پر تارکین وطن کی کشتی کو حادثہ پیش آیا تھا جس میں 298 پاکستانیوں سمیت 500 سے زائد افراد زندگی کی بازی ہار گئے تھے۔