لاہور میں پاکستان الیکشن کمیشن کے سابق ڈائریکٹر کی بیٹی کے قتل کے ملزم نے مبینہ طور پر پولس چھاپے کے دوران خودکشی کرلی۔
پولیس کے مطابق ملزم نے چھاپے کے دوران گرفتاری سے بچنے کے لیے خود کو گولی مار کر اپنی زندگی کا خاتمہ کرلیا۔
یاد رہے کہ 2 روز قبل لاہور کے علاقے چوہنگ میں سابق ڈائریکٹر کی نظروں کے سامنے ملزم نے ان کی جواں سال بیٹی کو قتل کردیا تھا۔
ملزم حنان منڈی بہاؤالدین کا رہائشی تھا اور مقتولہ کے ساتھ لاہور میں پڑھتا تھا۔
جمعرات کو جب پولیس گرفتاری کے لیے منڈی بہاؤالدین پہنچی تو لڑکے نے چھت پر جا کر خود کو گولی مارلی۔
پولیس کے مطابق ملزم حنان اور مقتولہ دوست تھے۔ لڑکی کی جانب سے تعلق ختم کیے جانے پر ملزم نے طیش میں آکر اسے گولی مار کر قتل کردیا تھا۔
