قائد مسلم لیگ ن نواشریف کی ستمبر میں وطن واپسی کے لیے دی گئی تاریخ تبدیل کردی گئی ہے، شریف خاندان نے وطن واپسی کے لیے نئی تاریخ پر اتفاق کر لیا ہے۔ شریف خاندان کے اجلاس میں شہباز شریف نے مشورہ دیا کہ نوازشریف ستمبر کے بجائے اکتوبر کے وسط تک پاکستان پہنچیں جس کے بعد خاندان نے 15 اکتوبر کی تاریخ پر اتفاق کر لیا ہے۔
نجی ٹی وی چینل کے مطابق لندن میں نواز شریف کی وطن واپسی کی حتمی تاریخ کا فیصلہ کرنے کے لیے شریف فیملی کا اجلاس ہوا جس میں فیصلہ کیا گیا کہ نواز شریف کو ستمبر میں وطن واپس نہیں آنا چاہیے۔ اس سے قبل نواز شریف کی وطن واپسی ستمبر کے وسط میں طے کی گئی تھی اور شریف فیملی نے ان کی ستمبر میں واپسی کی تصدیق بھی کی تھی۔
واضح رہے کہ نواز شریف 4 برس قبل پاکستان سے برطانیہ علاج کرانے آئے تھے اب ان کی واپسی کے انتظامات کو حتمی شکل دے دی گئی ہے۔
