ملک بھر میں بجلی کی قیمتوں میں ہوش رُبا اضافے اور ٹیکسز نے عوام کو سڑکوں پر نکلنے پر مجبور کر دیا، بجلی کے بلوں میں بے تحاشہ اضافے کے خلاف عوام احتجاج ریکارڈ کروانے سڑکوں پر نکل آئی۔
بجلی کے بلوں میں اضافے کو نا قابلِ قبول قرار دیتے ہوئےبڑے پیمانے پر احتجاجی مظاہرے جاری ہیں۔ شہریوں کا مطالبہ ہے کہ وہ اتنے بھاری بھرکم بل ادا نہیں کر سکتے اس لیے ان میں کمی کی جائے۔
ملتان میں ہونے والے احتجاجی مظاہرے میں انجمن تاجران، جماعت اسلامی اور سول سوساٸٹی کے نمائندے بھی شریک ہوئے، عوام نے بجلی کا بل جمع کرانے سے انکار کر دیا جبکہ انجمن تاجران تونسہ نے بجلی بلوں کے خلاف مکمل پیہ جام ہڑتال کی کال بھی دے دی۔
کراچی، لاہور، پشاور ااور راولپنڈی سمیت ملک کے تمام بڑے قصبوں اور شہروں میں بجلی کے بلوں کے خلاف شدید احتجاج اور حکوت کے خلاف نعرے بازی جاری ہے۔
پشاور کے رہائشیوں نے احتجاج کرتے ہوئے بجلی کے بل جلا دیے، اور واپڈا مردہ باد کے نعرے بھی لگائے۔
بجلی کے بھاری بل
شاہین مسلم ٹائون پشاور کے رہائشیوں نے بجلی بل جلا دئے pic.twitter.com/3x7hJlOetM— Muhammad Faheem (@MeFaheem) August 25, 2023
راولپنڈی کے کچہری چوک میں بجلی بلوں کےخلاف احتجاجی مظاہرہ کیا گیا اور بچوں نے بجلی کے بل ہاتھ میں اٹھائے سڑک پر لیٹ کر احتجاج کیا، ان کے ہاتھ میں مختلف بینرز بھی تھے جن پر درج تھا کہ ’بجلی کا بِل موت کا پروانہ بن گیا ہے‘۔
پنڈی میں بچوں کا بجلی بل اٹھا کر سڑک پر لیٹ کر احتجاج۔۔!! pic.twitter.com/tRdlt0P97J
— Khurram Iqbal (@khurram143) August 25, 2023
رحیم یا خان میں مہنگائی کے ستائے عوام سیاہ پرچم ہاتھ میں لیے میپکو کے دفتر کے باہر احتجاج کرنے پہنچ گئے، ان کا کہنا تھا کہ ہم جلی کے مہنگے بل بھریں یا پھر اپنا پیٹ پالیں؟
رحیم یار خان میں مہنگے بجلی کے بلوں کیخلاف لوگ سیاہ پرچم لیکر باہر نکل آئے، میپکو دفتر کے باہر احتجاج،بجلی کا مہنگا بل بھریں یا پیٹ پالیں؟ شہری پھٹ پڑے۔۔۔!!! pic.twitter.com/tGW8qswEVZ
— Mughees Ali (@mugheesali81) August 25, 2023
صحافی سمیع ابراہیم نے میر پور کی ایک ویڈیو شیئر کی جس میں مساجد میں اعلان کیا گیا عوام اب بجلی کے بل ادا نہیں کریں گے اور اگر بجلی کے کنکشن کاٹنے کی کوشش کی گئی تو ذمہ دار وہ خود ہوں گے۔
میر پور میں مساجد میں اعلان ھو گیا ھے کہ بجلی کے بل ادا نہیں کیے جائیں گے pic.twitter.com/eKiP2nAKUg
— Sami Abraham (@samiabrahim) August 22, 2023
رہنما تحریک انصاف عثمان ڈار نے اتحادی حکومت کو تنقید کا نشانہ بناتے ہوئے کہا کہ ۔ گزشتہ 16 ماہ میں عوام نے نا اہل امپورٹڈاور مسلط کردہ گروہ کے اقتدار کی غیر معمولی قیمت چکائی ہے۔ اقتدار میں شریک سیاستدان عوام میں جانے کے قابل نہیں رہے۔ لوگ انتخابات کے انتظار میں ہیں تاکہ ووٹ کے ذریعے سیاستدانوں کا احتساب کرسکیں، ملک کے کونے کونے میں سفید پوش طبقہ بجلی کے بل ہاتھوں میں لئے گھروں سے باہر نکل آیا ہے۔
انہوں نے مزید کہا کہ پی ڈی ایم عوام سے بچ کر اقتدار میں آنے کا شارٹ کٹ ڈھونڈ رہے ہیں۔ ایسا کوئی بھی عمل جس میں عوام کو اقتدار کی منتقلی کے عمل سے باہر رکھا گیا مزید خطرناک ہو گا۔
ڈالر اور پیٹرول کے بعد بجلی اور چینی کی قیمتیں ملکی تاریخ کی بلند ترین سطح پر پہنچ گئی ہیں۔ ملک کے کونے کونے میں سفید پوش طبقہ بجلی کے بل ہاتھوں میں لئے گھروں سے باہر نکل آیا ہے۔ گزشتہ 16 ماہ میں عوام نے نا اہل امپورٹڈاور مسلط کردہ گروہ کے اقتدار کی غیر معمولی قیمت چکائی ہے۔ چند… pic.twitter.com/gEHsALE2aG
— Usman Dar (@UdarOfficial) August 25, 2023
ایک صارف نے لکھا کہ اس وقت پاکستان کے مختلف شہروں میں بجلی کے بل زیادہ آںے پر احتجاج جاری ہے، شکریہ کس کا ادا کرنا ہے؟
اس وقت پاکستان کے مختلف شہروں میں بجلی کے بل زیادہ انے پر شدید احتجاج کیا جا رہا ہے شکریہ کس کا ادا کرنا ہے
— Bakhtawar Gillani (@BakhtawarGillni) August 25, 2023
صحافی عمر انعام نے کہا کہ جن لوگوں نے غربت کی وجہ سے بل ادا نہیں کیا، خدارا ان کی بجلی مت کاٹیں، قیامت خیز گرمی ہے، غربت ہے، مایوسی ہے، اس میں ایک اور قیامت برپا مت کریں،واپڈا ملازمین اور نہیں تو اتنا ضرور کر سکتے ہیں کہ جو افسر کسی غریب کی بجلی کاٹنے کا حکم دے، اسے کہیں کہ جا کر خود کاٹ دو
واپڈا ملازمین اور نہیں تو اتنا ضرور کر سکتے ہیں کہ جن لوگوں نے غربت کی وجہ سے بل ادا نہیں کیا، خدارا ان کی بجلی مت کاٹیں، قیامت خیز گرمی ہے، غربت ہے، مایوسی ہے، اس میں ایک اور قیامت برپا مت کریں، جو افسر کسی غریب کی بجلی کاٹنے کا حکم دے، اسے کہیں کہ جا کر خود کاٹ دو
— Umer Inam (@UmerInamPk) August 25, 2023
عدنان مغل نے ہاتھوں میں پلے کارڈ اٹھائے ہوئے بچوں کی تصویر شیئر کی جس میں مختلف تحریریں درج تھیں، انہوں نے لکھا کہ یہ پلے کارڈ دل چیر کر رکھ دیتا ہے کہ ’میری ماں نے سونے کی بالیاں بیچ کر بجلی کا بل ادا کیا‘۔
یہ پلے کارڈ دل چیر کر رکھ دیتا ہے
"میری ماں نے سونے کی بالیاں بیچ کر بجلی کا بل ادا کیا" 💔😢 pic.twitter.com/ZTDZksEZSk— Adnan Mughal (@Adnanmughal43) August 25, 2023
واضح رہے کہ آئی ایم ایف کے معاہدے کے تحت بجلی کے نرخوں میں بار بار اضافہ کیا جا رہا ہے۔
