ترجمان دفتر خارجہ نے کہا ہے کہ سابق وزیراعظم عمران خان کے دورہ روس کی کہانی ایک پرانی کہانی ہے۔ روسی سفیر کے انٹرویو کا نوٹس لیا ہے۔بیان ان کی ذاتی آرا ہے۔
ترجمان دفتر خارجہ ممتاز زاہرہ بلوچ نے ہفتہ وار میڈیا بریفنگ میں کہا پاکستان کے فوجی وفد نے امریکا کا دورہ کیا ہے۔ امریکا اور پاکستان دفاعی نظام میں بہتری لانے میں تعاون بڑھائیں گے۔ پاکستان سے یوکرائن کو اسلحہ کی سپورٹ کے الزامات بے بنیاد ہیں۔
ترجمان دفتر خارجہ ک کہنا تھا ہمسایوں سے اچھے تعلقات چاہتے ہیں۔پاکستان اور افغانستان کے درمیان تاریخی تعلقات ہیں۔ بھارت میں بی بی سی کے دفاتر پر بھارتی چھاپے آزادی صحافت پر حملہ ہے۔ بھارت میں آزادی صحافت پر دبائو ڈالنا افسوسناک عمل ہے۔
ممتاز زاہرہ بلوچ نے کہا پاکستان سمجھوتا ایکسپریس سانحہ کی برسی پر ایک بار پھر انصاف کا مطالبہ کرتا ہے۔کشمیریوں کی آواز پوری دنیا تک پہنچاتے رہیں گے۔
ان کا کہنا تھا وزیراعظم شہباز شریف آج ترکیہ کے دورے پر روانہ ہوئے ہیں۔ وزیر خارجہ بلاول بھٹو آج جرمنی میں اجلاس میں شرکت کے لیے جارہے ہیں۔وزیرخارجہ 22 فروری کو ہنگری کا دورہ کریں گے۔
