مانسہرہ ایکسپریس وے پرہاتھی میرا کے مقام پر مسافر وین بے قابو ہو کر کھائی میں جا گری، حادثے میں 2 خواتین سمیت 6 افراد جاں بحق ہوگئے جبکہ 5 افراد زخمی ہیں۔
ریسکیو کے مطابق حادثے کا شکار ہونے والی وین بٹگرام سے مانسہرہ آرہی تھی کہ بے قابو ہو کر کھائی میں گر گئی، جس کے باعث 6 افراد جاں بحق اور 5 افراد زخمی ہو گئے۔
مزید پڑھیں
ریسکیو ٹیمیں جائے وقوعہ پہنچ گئیں، جہاں انہوں نے امدادی سرگرمیوں کا آغاز کر لیا ہے۔ زخمیوں کو سول اسپتال مانسہرہ پہنچایا جا رہا ہے۔
ابتدائی رپورٹ کے مطابق حادثہ گاڑی کا ٹائر نکنے کی وجہ سے پیش آیا، جس کے بعد گاڑی بے قابو ہوئی اور پل سے نیچے جا گری۔
