ورلڈ ایتھلیٹکس چیمپیئن شپ کے جیولین تھرو مقابلے میں پاکستان کے ارشد ندیم نے چاندی کا تمغہ اپنے نام کرکے تاریخ رقم کردی۔
ارشد ندیم نے جیولین تھرو کے فائنل میں دوسری پوزیشن حاصل کرکے سلور میڈل اپنے نام کیا، پاکستانی ایتھلیٹ نے اپنی بہترین تھرو میں جیولن کو 87.82 میٹر دور پھینکا۔
جیولین تھرو کے فائنل میں ہندوستان کے نیرج چوپڑا نے 88.17 میٹر تھرو کیا اور گولڈ میڈل حاصل کیا، جبکہ جمہوریہ چیک کے جیکب وڈلیچ 86.67 میٹر تھرو کے ساتھ تیسرے نمبر پر رہے۔
ارشد کا آغاز اچھا نہیں تھا ، پہلی کوشش میں 74.80 میٹر تک ہی پہنچ سکے لیکن دوسری کوشش میں شاندار 82.81 میٹر تھرو کے ساتھ مقابلے میں واپس آئے، تیسری کوشش میں ارشد ندیم نے جیولن کو 87.82 میٹر دور پھینکا اور دوسری نمبر پر رہے۔
یہاں یہ بات قابل ذکر ہے کہ عالمی ایتھلیٹکس چیمپئن شپ میں پاکستان کا پہلا تمغہ ہے جو ارشد ندیم نے حاصل کیا ہے۔
واضح رہے کہ ورلڈ ایٹھلیٹکس چیمپیئن شپ کے جیولن تھرو کے آخری مقابلے میں ارشد ندیم سمیت 12 ایٹھلیٹس نے حصہ لیا جن میں سے تین بھارت کے تھے۔
ارشد ندیم کی وجہ شہرت؟
ارشد ندیم نے اس وقت شہرت حاصل کی جب وہ ٹوکیو اولمپکس میں پانچویں نمبر پر رہے اور ان کی اس کامیابی نے ان کی کی زندگی بدل کر رکھ دی۔
پچھلے سال ارشد ندیم نے امریکہ میں ہونے والی عالمی چیمپئن شپ میں بھی پانچویں نمبر پر رہے تھے، اس کے بعد انہوں نے برمنگھم میں ہونے والے کامن ویلتھ گیمز میں 90.18 میٹر کا اپنا بہترین تھرو کیا، جو کہ چار سالہ ایونٹ کا بھی ایک ریکارڈ تھرو ہے۔
اس کے بعد انہوں نے لندن میں کہنی اور بائیں گھٹنے کی سرجری کروائی اور ان کو صحت یاب ہونے کافی وقت لگا، رواں سال مئی میں میں کوئٹہ میں 34ویں نیشنل گیمز میں انہوں نے ایک بار پھر شرکت کی۔
ارشد ندیم کی صحت کے مسائل
اگرچہ وہ وہاں اپنی فٹنس دکھانے میں ناکام رہے اس کے باوجود انہوں نے اپنے محکمہ واپڈا کے لیے گولڈ میڈل جیتا۔ اس ایونٹ میں انہیں اس وقت شدید دھچکا لگا جب ان کے دائیں گھٹنے میں چوٹ آئی جس کی وجہ سے انہیں حال ہی میں بنکاک میں منعقدہ ایشین چیمپئن شپ سے باہر ہونا پڑا تھا۔
تاہم ایک بار پھر وہ صحت مند ہو کر کھیل کے میدان میں واپس آئے اور ورلڈ ایتھلیٹکس چیمپیئن شپ میں پاکستان کو تمغہ دلایا۔
ارشد ندیم کے گھر جشن اور میٹھائیاں تقسیم؟
جیلون تھرو مقابلے کے فائل مرحلے کے دوران خانیوال کی تحصیل میاں چنوں سے تعلق رکھنے ارشد ندیم کے گھر پر لوگوں کی بڑی تعداد موجود تھی جنہوں نے ارشد ندیم کی جیت پر جشن منایا اور میٹھائیاں تقسیم کیں۔
کامیابی سمیٹنے کے بعد ایتھلیٹ کے والدین کا کہنا تھا کہ ارشد ندیم نے پاکستان کا سر فخر سے بلند کردیا ہے۔۔
ارشد ندیم کو سیاسی رہنماؤں کی مبارکباد
نگران وزیر اعظم انوار الحق بھی ارشد ندیم کی اس کامیابی پر خوش نظر آ رہے ہیں، انہوں نے اپنے ایکس (سابقہ ٹوئٹر) پیغام میں لکھا ہے کہ کیا ہی خوشی کا لمحہ ہے کہ ارشد ندیم نے اپنی بہترین اسپورٹس مین شپ کے ذریعے پاکستان کو عالمی ایتھلیٹکس چیمپئن شپ میں چاندی کا تمغہ دلایا ہے، پوری قوم اس پر خوش ہے اور ارشد ندیم پر فخر کر رہی ہے۔
What a day! What a moment of joy for 🇵🇰 @ArshadOlympian1 You’ve made the nation happy and proud for your excellent sportsmanship that won you—and the country—a silver medal at the World Athletics championship 👏👏 pic.twitter.com/ed6Ty2zscZ
— Anwaar ul Haq Kakar (@anwaar_kakar) August 28, 2023
دوسری جانب چیئرمین سینیٹ صادق سنجرانی نے ارشد ندیم کو سلور میڈل جیتنے پر مبارکباد دی اور ان کے لئے 10 لاکھ روپے انعام دینے کا اعلان کردیا۔
صادق سنجرانی ایتھلیٹ ارشد ندیم کے گھر جا کر انعام دیں گے، چیئرمین سینیٹ نے کہا کہ ارشد ندیم نے کم وسائل کے باوجود بہترین کارکردگی دکھائی، امید ہے کہ مستقبل میں بھی ارشد ندیم کارکردگی کا تسلسل برقرار رکھیں گے۔
چیئرمین سینیٹ صادق سنجرانی نے انٹرینشل ایتھلیٹ ارشد ندیم کوسلور میڈل جیتنے پر مبارکباد دیتے ہوئے شاندار کامیابی پر ارشد ندیم کے لئے دس لاکھ روپے انعام اپنے جیب سے دینے کا اعلان کیا ہے-چیئرمین سینیٹ صادق سنجرانی انٹرنیشل ایتھلیٹ ارشد ندیم کے گھر جاکر ان کو انعام دیں گے-
— Senate of Pakistan (@SenatePakistan) August 27, 2023
سابق وزیر اعظم شہباز شریف نے بھی ارشد ندیم کو شاندار کامیابی پر خراج تحسین پیش کیا ہے۔
سابق وزیر اعظم شہباز شریف نے ارشد ندیم کے نام اپنے پیغام میں کہا ہے کہ ارشد ندیم نے ایک بار ملک کے لیے شاندار کامیابی سمیٹی ہے جس پر وہ خوش ہیں۔
شہباز شریف نے کہا کہ ارشد ندیم نے پاکستان کا نام فخر سے بلند کر دیا ہے۔
An absolute delight to watch you back in action. You made Pakistan proud 🇵🇰 https://t.co/nwSyD31xqU
— Shehbaz Sharif (@CMShehbaz) August 28, 2023
قومی ویمن کرکٹ ٹیم کی سابق کپتان جویریہ خان نے بھی ارشد ندیم کی کامیابی کو سراہا ہے، جویریہ خان نے ایکس پر اپنے پیغام میں لکھا ہے کہ ارشد ندیم نے بغیر کسی مضبوط پشت پناہی کے صرف اور صرف اپنی محنت سے کامیابی کی یہ کہانی لکھی ہے۔
ارشد جیسے لوگ ہمیں یاد دلاتے ہیں کہ اگر ہم جہاں ضرورت ہو وہاں سرمایہ کاری کریں تو ہمیں روکنے والا کوئی نہیں ہے، یہی وقت ہے ارشد ندیم کو وہ دیا جائے جس کا مستحق ہے، پاکستان کا پرچم سربلند اور سربلند کرنے کا ارشد ندیم کا شکریہ۔
Arshad Nadeem has written this success story himself by his sheer hardwork without strong backing.
People like Arshad remind us and the system time and again that if we invest where it is needed, then there is no one stopping us.
Arshad is a league of his own. Time to give… pic.twitter.com/CFrC0XLCRd
— Javeria Khan (@ImJaveria) August 27, 2023
قومی کرکٹر شاداب خان نے کہا ہے کہ ’ارشد ندیم کو پورا ملک سلام پیش کرتا ہے، میں صرف یہ کہنا چاہتا ہوں کہ میں آپ کا مداح ہوں،آپ ہمیشہ خوش رہیں۔‘
The entire country salutes you Arshad Nadeem. I just want to say, I am your fan. May u always stay blessed. pic.twitter.com/gYzT2fpkTS
— Shadab Khan (@76Shadabkhan) August 27, 2023
جہاں ارشد ندیم کے اس کارنامے پر پوری قوم خوش ہے وہاں ارشد ندیم خود بھی بہت پر جوش ہیں اور شاندار کامیابی پر اللہ کا شکر ادا کر رہے ہیں۔
ارشد ندیم نے ایکس ( سابقہ ٹوئٹر) پیغام میں لکھا ہے کہ کیا تھکا دینے والا دن تھا پھر بھی فائدہ مند رہا۔ پاکستان کی تاریخ میں پہلا موقع ہے کہ کسی پاکستانی کھلاڑی نے عالمی ایتھلیٹکس چیمپئن شپ میں تمغہ جیتا ہے، اللہ کا شکر ادا کرتا ہوں کہ اس نے مجھے اتنا آگے جانے کی توفیق دی۔
What a day! Tiring yet rewarding. Like to thank Allah for this giving me the ability to go this far. This was the first time in the history of Pakistan that any Pakistani athlete won a medal at the World athletics championships pic.twitter.com/DaZDeRNyq7
— Arshad Nadeem (@ArshadOlympian1) August 28, 2023
