سینیٹ کی قائمہ کمیٹی برائے توانائی کا اجلاس چیئرمین سیف اللہ ابڑو کی زیر صدارت ہوا جس میں کے الیکٹرک کے چیف ایگزیکٹو مونس علوی کی اجلاس سے عدم حاضری پر برہمی کا اظہار کرتے ہوئے کہا کہ اگر وہ آئندہ اجلاس سے غیر حاضر رہے تو ان کے وارنٹ گرفتاری جاری کیے جائیں گے۔
چیئرمین قائمہ کمیٹی نے کہا ایسا نہ کریں ہمارے پاس اختیارات ہیں اور ہم وارنٹ جاری کرکے انہیں خود لا سکتے ہیں۔ اس موقع پر کے الیکٹرک حکام کا کہنا تھا کہ بلوں کے معاملے پر کراچی کے حالات خراب ہیں اسی لیے سی ای او نہیں آسکے، اگر ایسی صورتحال درپیش نہ ہوتی تو وہ خود کمیٹی اجلاس میں آتے۔
مزید پڑھیں
رکن کمیٹی سینیٹر فدا محمد نے کہا کہ آپ کے سی ای او اس سب قبل کب کمیٹی میں آئے ہیں، یہ تو ان کا معمول ہے۔ چیئرمین قائمہ کمیٹی نے کہا کہ کے الیکٹرک کا معاملہ ہرحال میں زیر بحث آئے گا، ہمیں سی ای او صاحب کی مصروفیات کا علم ہے کہاں ہوتے ہیں۔ آئندہ اجلاس میں سی ای او کے الیکٹرک نہ آئے تو وارنٹ ہی جاری ہوں گے۔
