پاکستان مسلم لیگ ن کی چیف آرگنائزر و سینیئر نائب صدر مریم نواز نے کہا ہے کہ ملک کے موجودہ مسائل پراجیکٹ عمران کے 4 سالہ دور کا نتیجہ ہے، نواز شریف کی دی ہوئی ترقی کا عمل روکا نہ جاتا تو آج غریب عوام کی آنکھوں میں آنسو نہ ہوتے۔
’مہنگائی کے جن کو ویسے ہی بوتل میں بند کرسکتے ہیں جیسے لوڈشیڈنگ، دہشت گردی اور کراچی سے لاقانونیت کو ختم کیا تھا‘۔
ویمن یوتھ ونگ پنجاب کی عہدیداروں اور رہنماؤں سے گفتگو کرتے ہوئے مریم نواز نے کہاکہ نوازشریف ہی ایک بار پھر عوام کو مہنگائی سے نجات دلائیں گے۔ قائد ن لیگ ہی پاکستان کی ترقی کی ضمانت ہیں۔
مزید پڑھیں
مریم نواز نے کہاکہ پاکستان مسلم لیگ (ن) سب سے بڑی جماعت بن چکی ہے، خواتین اور نوجوان ملک کی فیصلہ سازی میں اہم کردار ادا کریں گے۔ اتحادی حکومت نے 16 ماہ میں پاکستان کو ڈیفالٹ سے بچایا، اب عوام کو مہنگائی سے نجات دلائیں گے۔
ان کا کہنا تھا کہ بجلی کے بلوں میں اضافے کے باعث عوام کی مشکلات کا احساس ہے، نوازشریف نے عوام کو مہنگائی، دہشت گردی اور لوڈ شیڈنگ سے نجات دلائی تھی۔
Maryam Nawaz Sharif serves as a remarkable inspiration, not just for women but also for the youth of Pakistan. The remarkable response from both these segments of society to her call is truly extraordinary. These sentiments once again came to the forefront during the Punjab Women… pic.twitter.com/qqO0aDta7v
— PMLN (@pmln_org) August 28, 2023
مریم نواز نے کہاکہ مسلم لیگ (ن) کی لیڈرشپ نے ہمیشہ نوجوانوں کو با اختیار بنایا ہے۔ ہم نے نوجوانوں کو لیپ ٹاپ دیے۔ باعزت روزگار کے لیے بلا سود قرضوں کی فراہمی کی۔
ان کا کہنا تھا کہ پنجاب اور خیبرپختونخوا میں ایم ایس ایف کو فعال قوت میں بدل دیا ہے۔
ویمن یوتھ ونگ کی عہدیداروں کا مریم نواز کو خراج تحسین
اس موقع پر ویمن یوتھ ونگ کی عہدیداروں نے مریم نوازشریف کو پارٹی سرگرمیوں میں تیزی پر خراج تحسین پیش کیا۔
ملاقات میں شعبہ خواتین کی عہدیداروں نے اپنے اپنے اضلاع میں پارٹی سرگرمیوں اور تنظیم کی کاکردگی سے متعلق مریم نوازشریف کو آگاہ کیا۔ لیگی چیف آرگنائزر نے ویمن یوتھ ونگ کی عہدیداروں اور کارکنان کے جذبے کو سراہا۔
مریم نواز نے 4 گھنٹے تک مسلسل جاری رہنے والے اجلاس میں انٹرویوز کیے اور خواتین کو مستقبل کے لیے گائیڈ لائنز دیں۔
