مشن ورلڈ کپ کی تیاریاں جاری ہیں، اسکواڈ کو حتمی شکل دینے کے لیے اہم ملاقاتیں آج ہوں گی، جن میں ڈائریکٹر مکی آرتھر، چیف سلیکٹر انضماالحق اور کپتان بابر اعظم ورلڈ کپ اسکواڈ سے متعلق مشاورت کریں گے۔
ورلڈ کپ اسکواڈ سے متعلق مشاورت آج ملتان میں ہوگی، ابتدائی طور پر 30 ناموں کو فائنل کیا جائے گا۔ جبکہ ورلڈ کپ اسکواڈ کو حتمی شکل دینے کی آخری تاریخ 28 ستمبر ہے۔
ذرائع کے مطابق قومی ٹیم کے ورلڈ کپ اسکواڈ میں ممکنہ طور پر فخر زمان کے علاوہ امام الحق جبکہ تیسرے اوپنر کے طور پر شان مسعود اسکواڈ میں شامل ہوں گے۔
مزید پڑھیں
ذرائع کے مطابق آئی سی سی ون ڈے رینکنگ میں پہلے نمبر پر موجود بلے باز کپتان بابراعظم، مڈل آرڈر میں حارث سہیل، افتخار احمد، آغا سلمان اور وکٹ کیپر محمد رضوان شامل ہوسکتے ہیں۔
اسی طرح آل راؤنڈر اور نائب کپتان شاداب خان اور اسامہ میر بھی اسکواڈ کا حصہ ہو سکتے ہیں۔
عماد وسیم اور محمد نواز اسکواڈ کا حصہ بن سکتے ہیں، فاسٹ بولنگ کے شعبے میں شاہین شاہ آفریدی کے ساتھ نسیم شاہ، حارث رؤف، محمدوسیم جونئیر اور احسان اللہ خان کو شامل کیے جانے کی توقع ہے۔
