پاکستان کرکٹ بورڈ (پی سی بی) نے سوشل میڈیا سائٹ ایکس پر ایک ویڈیو شیئر کی جس میں پاکستان کرکٹ ٹیم کے اسٹارز ایک انٹرویو کے دوران بیک اسٹیج پر ایک دوسرے کے ساتھ اٹکھیلیاں کرتے دکھائی دیے، جس کو دیکھ کر پرستار خوب محظوظ ہوئے۔
انٹرویو کے دوران اینکر نے حارث رؤف سے سوال پوچھا کہ آپ کی سب سے پہلی محبت کون ہے، جس پر حارث رؤف نے کہاکہ کوئی بھی نہیں، تاہم وہاں موجود شاہین شاہ آفریدی نے موبائل اٹھایا اور ویڈیو بناتے ہوئے اینکر سے کہاکہ سوال دوبارہ پوچھیں۔
🎥 Watch the hilarious banter between Shaheen Afridi and Haris Rauf ft. Fakhar Zaman and Mohammad Rizwan 😅💫@ACCMedia1 #AsiaCup2023 pic.twitter.com/41mDJHCVDQ
— Pakistan Cricket (@TheRealPCB) August 29, 2023
شاہین شاہ آفریدی کا یہ کہنا تھاکہ حارث رؤف یکدم بول پڑے کہ میرا پہلا پیار میری بیوی ہے۔ جس پر سب کھلکھلا کر ہنسنے لگ گئے۔
مزید پڑھیں
اسی دوران جب شاہین شاہ آفریدی کی باری آئی تو حارث رؤف نے بھی موقع ضائع نہیں جانے دیا، اینکر نے سوال پوچھا کہ آپ کو سب سے زیادہ ڈر کس سے لگتا ہے تو شاہین بولے بیوی سے، جس پر حارث رؤف نے قہقہے لگائے اور کہاکہ یہی دنیا کا سچ ہے۔
اینکر نے پوچھا کہ سب سے زیادہ وقت کس کے ساتھ گزرتا ہے تو شاہین آفریدی بولے حارث روؤف کے ساتھ، اور سب سے اچھا دوست کون ہے سوال پر شاہین نے پھر حارث کا نام لیا جس پر حارث نے شاہین آفریدی کا وکٹ لینے بعد خوشی منانے والا اسٹائل بناتے ہوئے خوشی کا اظہار کیا۔
آخر میں اینکر نے سوال کیاکہ پاکستان ٹیم میں سب سے بہادر کون ہے، جس پر شاہیں آفریدی بغیر سوچے بولے کہ محمد رضوان سب سے بہادر ہے۔
