شہر قائد کی مصروف ترین شاہراہ فیصل پر پالتو شیر ٹہلتا ہوا پایا گیا۔ اور چہل قدمی کرتا ہوا ایک عمارت کے پارکنگ ایریا میں داخل ہوگیا، تاہم وائلڈ لائف کی ٹیم نے اسے قابو کرکے پنجرے میں ڈال دیا۔
شیر کے شاہراہ پر آتے ہی لوگوں نے اس منظر کی ویڈیو بنانے کی کوشش کی جو دیکھتے ہی دیکھتے سوشل میڈیا پر وائرل ہو گئی۔
شاہراہِ فیصل پہ شیر pic.twitter.com/J7OqTYb3uL
— Faizullah Khan فیض (@FaizullahSwati) August 29, 2023
صارفین نے اس پر دلچسپ تبصرے بھی کیے کسی نے اس شیر کو نواز شریف کی وطن واپسی سے جوڑا تو کسی نے بجلی کے بل سے پریشان قرار دےدیا۔
جمیل احمد نامی صارف نے کہا کہ پچھلے دو تین دن سے شیر آ رہا ہے کی ٹوئٹس ہو رہی تھیں اور پھر شاہراہ فیصل کراچی پر شیر آ گیا۔
اچھا پچھلے دو تین سے شیر آ رہا ہے شیر آرہا کی ٹویٹس ہو رہی تھیں تو لو پھر آگیا شیر
😂😂😂شاہراہِ فیصل کراچی پہ شیر آگیا ہے pic.twitter.com/OprV0HVG8s
— 🌠💫جمیل_احمد💫🌠 (@Dewana_Dil786) August 29, 2023
صحافی عنبر رحیم شمسی نے شیر کی ویڈیو پر تبصرہ کرتے ہوئے اسے میاں نواز شریف کی واپسی سے جوڑتے ہوئے لکھا کہ اکتوبر سے پہلے ہی شیر آ گیا۔
اکتوبر سے پہلے شیر آ گیا
pic.twitter.com/2AgmoPVgfW— Amber Rahim Shamsi (@AmberRShamsi) August 29, 2023
شاہراہ کراچی میں آنے والا شیر جس کو بعد ازاں وائلڈ لائف نے قابو کر لیا اس پر تبصرہ کرتے ہوئے صحافی سلمان غنی نے لکھا کہ جس شیر کو وائلڈ لائف والوں نے پکڑ لیا وہ اصلی نہیں ہو سکتا، اصل شیر کو قابو کریں تو بات ہے۔
جس شیر کو وائلڈ لائف والے پکڑ لیں وہ اصلی نھیں ھو سکتا اصل شیر کو قابو کریں تو بات ھے
— Salman Ghani (@salmaan_ghani) August 29, 2023
ایک اور صارف نے مزاح کا سہارا لیتے ہوئے کہا کہ محکمہ وائلڈ لائف کے مطابق شیر بجلی کے بلوں سے شدید پریشان لگ رہا ہے جبکہ باغی شیر کا کہنا ہے کہ بجلی کے بلوں کے معاملے پر وہ عوام کے ساتھ ہے۔
شاہراہِ فیصل پہ شیر
شیر بجلی کے بلوں سے شدید پریشان لگ رہا ہے : محکمے ورلڈ لائیف🤧
بجلی کے بلوں کے معاملے پر عوام کے ساتھ ہیں عوام مجھے کانسٹیبل شاہد سمجھے : باغی شیر✌️ 🐅 pic.twitter.com/exxwcV4z0y— Shamil Khan (@ShamilKhan786) August 29, 2023
شیر کے شاہراہ فیصل پر آے ہی ایک صارف کو نواز شریف کی یاد ستانے لگی اور اس نے کہا کہ شیر کا کراچی کی سڑکوں پر آنا ایک اشارہ ہے کہ یاد رکھو شیر آ رہا ہے۔
شاہراہ فیصل پہ شیر 🦁 آنا ایک اشارہ ہے ۔
کہ یاد رکھو
شیر آ رہا ہے
😜
🦁🦁🦁🦁🦁🦁— زاری جی (@ZaariGee) August 29, 2023
یاد رہے کہ رواں برس فروری میں اسلام آباد کے علاقے (ڈی ایچ اے) کے ایک گھر میں تیندوا گھس آیا تھا جس کو وائلڈ لائف مینجمنٹ بورڈ اور کیپیٹل ڈیولپمنٹ اتھارٹی کی ٹیم نے 6 گھنٹوں بعد قابو کرلیا تھا۔