کالا باغ میں کاونٹر ٹیررازم ڈیپارٹمنٹ (سی ٹی ڈی) اور دہشت گردوں کے درمیان مقابلے میں کالعدم تنظیم کا اہم کمانڈر مارا گیا۔ دو دہشت گرد فرار ہونے میں کامیاب ہو گئے۔
سی ٹی ڈی پولیس کے ترجمان کے مطابق کالا باغ میں دہشت گردوں نے سی ٹی ڈی میانوالی کی ٹیم پر حملہ کیا جس کے بعد 20 منٹ تک دونوں طرف سے فائرنگ کا تبادلہ ہوا۔
ترجمان کے مطابق مقابلے میں ایک دہشت گردہلاک ہوا جب کہ 2 فرار ہوگئے۔ہلاک دہشت گرد کی شناخت حبیب الرحمان کے نام سے ہوئی۔
ترجمان کا کہنا تھا کہ ہلاک دہشت گرد کا تعلق کالعدم تنظیم سے تھا۔ دہشت گرد سے کلاشنکوف اور خودکش جیکٹ برآمد ہوئی۔
ترجمان ک مطابق فرار ہونے والے 2 دہشت گردوں کی تلاش میں گرینڈ سرچ آپریشن جاری ہے۔ دہشت گردی کے واقعے کا مقدمہ درج کر لیا گیا ہے۔
