ایشیا کپ کا 16واں ایڈیشن 15 سال بعد پاکستان کے شہر ملتان سے شروع ہوچکا ہے۔ گزشتہ روز ملتان کرکٹ اسٹیڈیم میں رنگا رنگ افتتاحی تقریب کا انعقاد کیا گیا ۔ تقریب میں پاکستانی گلوکارہ آئمہ بیگ اور نیپالی گلوکارہ تریشالا گورونگ نے اپنی آواز کا جادو جگایا۔
ایشیا کپ میں صحافتی ذمہ داریاں سنبھالنے کے لیے بھارتی صحافی بھی پاکستان میں موجود ہیں۔ گزشتہ روز سماجی رابطوں کی ویب سائٹس پر جہاں ایشیا کپ کی افتتاحی تقریب موضوع بحث رہی، وہیں افتتاحی تقریب کے دوران خالی اسٹیڈیم بھی صارفین کی نظروں سے اوجھل نہ ہوسکا۔
۔بھارتی صحافیوں نے جہاں خالی کرکٹ اسٹیڈیم کی تصاویر ایکس پر پوسٹ کرتے ہوئے تنقید کا نشانہ بنایا وہیں پاکستانی صارفین کا کہنا تھا کہ ملتان کی شدید گرمی میں دن کے وقت بھرے ہوئے اسٹیڈیم کی توقع کرنا بے وقوفی ہے۔
بھارتی صحافی وکرانت گپتا نے سماجی رابطے کی ویب سائٹ ایکس پر پوسٹ کرتے ہوئے لکھا
ملتان میں صرف چند سو تماشائیوں کے سامنے ایشیا کپ کی افتتاحی تقریب دیکھ کر مایوسی ہوئی۔ بہت مایوس کن
Disappointing to see Asia Cup opening in front of just a few hundred spectators in Multan. Very disappointing #AsiaCup23 #AsiaCup #PAKvNEP
— Vikrant Gupta (@vikrantgupta73) August 30, 2023
بھارتی صحافی ستیا پرکاش نے ایکس پر ملتان کرکٹ اسٹیڈیم کی تصاویر شئیر کرتے ہوئے لکھا کہ پاکستان میں اتنے سالوں بعد ایک ملٹی نیشنل ٹورنامنٹ اور ہوم ٹیم کھیل رہی ہے لیکن سٹیڈیم خالی ہے۔ جب نیپال کی ٹیم نیپال میں کھیل رہی تھی تب کے مناظر دیکھیں۔ نیپالی ٹیم بہتر کراؤڈ کی مستحق ہے۔
A multinational tournament in Pakistan after so many years and home team playing but empty stadium.
Nepal team playing in Nepal and see the stadium.
Nepal deserved better atmosphere. #AsiaCup23 #AsiaCup2023 #AsiaCupOnHotstar #PAKvsNEP #PAKvNEP #NEPvPAK pic.twitter.com/umbeDRR8Bo— Satya Prakash (@Satya_Prakash08) August 30, 2023
خالی اسٹیڈیم پر تبصرہ کرتے ہوئے کھیلوں کی خبروں پر نظر رکھنے والے ایک اور بھارتی صحافی ایش نے لکھا پاکستان میں اتنے سالوں بعد ملٹی نیشنل ٹورنامنٹ اور اسٹیڈیم بالکل خالی۔
Multinational Tournament in Pakistan after so many years
And completely empty stadium #AsiaCup23 #PAKvNEP pic.twitter.com/yKKb5lMy1A
— Ash (@Ashsay_) August 30, 2023
جہاں بھارتی صحافیوں نے پاکستان کرکٹ بورڈ کو تنقید کا نشانہ بنایا وہیں بھارتی صارفین بھی اس کام میں پیچھے نہ رہے ، ایک صارف نے تبصرہ کرتے ہوئے لکھا کیا پاکستان میں اب تک لاک ڈاؤن ختم نہیں ہوا۔ اسٹیڈیم خالی کیوں ہے؟
Bhai ye Pakistan mein lockdown abhi khatam nai hua kya?
Why the empty stadium? #PAKvsNEP #AsiaCup2023 #AsiaCup23 pic.twitter.com/g4sb6AflXG
— Extraa Cover (@ExtraaaCover) August 30, 2023
ایک اور بھارتی صحافی راہول نندا نے تبصرہ کرتے ہوئے لکھا خالی اسٹیڈیم دیکھ کر بہت دکھ ہوا۔
Sad to see an empty stadium in Multan for the the opening game of the #AsiaCup23. #PAKvNEP pic.twitter.com/qUTrtvYXmK
— Rahul Nanda (@rahulnanda86) August 30, 2023
جوں ہی دن گزرا اور درجہ حرارت کم ہوا تو شائقین کرکٹ نے ملتان کرکٹ اسٹیڈیم کا رخ کیا اور دیکھتے ہی دیکھتے اسٹیڈیم پاکستان کرکٹ ٹیم کے مداحوں سے بھر گیا جس کے بعد پاکستانی صارفین نے بھارتی صحافیوں کی تنقید کا جواب دیتے ہوئے بھرے ہوئے اسٹیڈیم کی تصاویر سماجی رابطے کی ویب سائٹ پر پوسٹ کرتے ہوئے لکھا کہ اب خوش ہیں؟
Now happy??? https://t.co/lz9iH1vQ6V pic.twitter.com/8vyynGId7F
— muskan 🇵🇰 (@Musskey) August 30, 2023
ایک اور صارف نے تبصرہ کرتے ہوئے لکھا ہمارا ایشیا کپ ہماری مرضی
Humara Asia cup humari marzi #AsiaCup23 #PakvsNepal https://t.co/mWISTZNda5
— Ejaz Raja (@ejaz_says) August 30, 2023
ایک اور صارف نے اسٹیڈیم کی تصویر شئیر کرتے ہوئے لکھا اچھا تو یہ چند سو تماشائی ہیں؟
Few Hundred spectators https://t.co/ydesTbH1ft pic.twitter.com/xX1V3mQn50
— Imtiaz (@Imtiazbahar) August 30, 2023
صارفین کا کہنا تھا ورکنگ ڈے ہونے اور ملتان میں معمول سے درجہ حرارت زیادہ ہونے کی وجہ سے دن کے وقت تماشائی نہ آسکے لیکن شام ہوتے ہی ہم نے اپنی کرکٹ ٹیم کو مایوس نہیں کیا اور ان کو سپورٹ دینے کے لیے ہم پہنچ ہی گئے۔
