بالی وڈ اسٹار شاہ رخ خان کی ایکشن اور تھرلر سے بھرپور فلم جوان کا ٹریلر جاری کردیا گیا ہے، فلم 7 ستمبر کو سینما گھروں کی زینت بنے گی۔
فلم جوان کے ٹریلر میں بالی وڈ کے کنگ خان کا وہ روپ اور ایکشن دیکھنے کو مل رہا ہے جو آج تک کسی نے نہیں دیکھا، جوان کے ٹریلر کی ریلیز کے بعد مداحوں کی بے تابی سینما ہال میں جا کر ’جوان‘ کو دیکھنے کے لیے مزید بڑ ھ گئی ہے۔
فلم ’جوان‘ میں شاہ رخ خان اور اداکارہ نینتھارا پہلی بار ایک ساتھ ایکشن میں دکھائی دیں گے۔
فلم ساز اٹلی کمار کی ہدایت کاری میں بننے والی یہ فلم بلاک بسٹر ہٹ’ پٹھان‘ کے بعد شاہ رخ کی رواں سال کی دوسری فلم ہے۔ ’پٹھان‘ رواں سال جنوری میں ریلیز ہوئی تھی، جبکہ ’جوان‘ 7 ستمبر کو سینما گھروں کی زینت بنے گی۔
مزید پڑھیں
شاہ رخ خان فلم ’جوان‘ میں ایک ریٹائرڈ فوجی کا کردار ادا کر رہے ہیں اور 6 خواتین کی ٹیم کے ساتھ ملک بھر میں ڈکیتی کی مختلف وارداتوں کو روکتے ہیں۔
فلم میں شاہ رخ خان ایک میٹرو کو ہائی جیک کرتے ہیں، ٹرین ہائی جیکر سے چھڑانے کے لیے اداکارہ نینتھارا کو پولیس افسر کے طور پر ذمہ داری دی جاتی ہے۔
فلم کے ٹریلر میں دیکھا جا سکتا ہے کہ جب شاہ رخ خان ٹرین ہائی جیک کرتے ہیں تو اداکارہ نینتھارا بطور پولیس افسر شاہ رخ خان سے پوچھتی ہیں کہ ان کو کیا چاہیے تو کنگ خان جواب میں کہتے ہیں کہ ’چاہیے تو مجھے عالیہ بھٹ۔‘
تاہم ایسا لگتا ہے کہ فلم میں شاہ رخ نے نینتھارا سے شادی بھی کی ہے کیونکہ وہ ایک دو مناظر میں کچھ رومانوی لمحات شیئر کرتے ہیں۔
جوان میں بالی وڈ اداکرہ دیپیکا پڈوکون بھی ایکشن میں نظر آئیں جنہوں نے ایک ریسلنگ میچ میں شاہ رخ کو شکست دی۔ اداکار وجے سیتھوپتی نے فلم جوان میں ’دنیا کے چوتھے بڑے اسلحہ ڈیلر‘ کا کردار ادا کیا ہے۔
