اوگرا نے ایل پی جی کی قیمت میں 38 روپے 97 پیسے فی کلو کا غیر معمولی اضافہ کردیا جس کے بعد ایک کلو گیس کی قیمت 244 روپے ہوگئی۔
اس حوالے سے اوگرا کی جانب سے جاری کردہ نوٹیفیکیشن کے مطابق گھریلو سلینڈر تقریباً 460 روپے مہنگا ہوگیا۔
فی کلو ایل پی جی 38.97 روپے اضافے سے 244 روپے فی کلو ہوگئی ہے جبکہ اگست میں ایل پی جی کی قیمت 204 روپے فی کلو تھی۔
نوٹیفکیشن کے مطابق ایل پی جی کا گھریلو سلینڈر 459 روپے 85 پیسے مہنگا ہوگیا جس کے بعد اس کے نئے نرخ 2833 روپے 49 پیسے ہوگئے۔ اگست میں گھریلو ایل پی جی سلینڈر کی قیمت 2373 روپے 64 پیسے تھی۔
واضح رہے کہ حکومت نے گزشتہ روز پیٹرول کی قیمت میں 14 روپے 91 پیسے فی لیٹر اضافہ کیا گیا تھا جس کے بعد تاریخ میں پہلی بار پیٹرول کی فی لیٹر قیمت 300 روپے سے تجاوز کر گئی تھی۔