زمبابوے کے سابق کپتان ہیتھ اسٹریک واقعی انتقال کر گئے

کینسر کے موذی مرض میں مبتلا زمبابوے کے سابق کپتان ہیتھ اسٹریک کا انتقال ہو گیا، سماجی رابطے کی سائٹ فیس بُک پر زمبابوے کے سابق کپتان ہیتھ اسٹریک کے انتقال کی تصدیق انکی اہلیہ نادین اسٹریک نے کی۔ ان کی عمر محض 49 برس تھی۔

ہیتھ اسٹریک کی اہلیہ نے سماجی رابطہ ویب سائٹ فیس بک پر مداحوں سے دُکھ کی خبر شیئر کرتے ہوئے لکھا کہ آج صبح 3 ستمبر 2023 بروز اتوار، میری زندگی کی محبت اور میرے خوبصورت بچوں کے والد کا انتقال ہوگیا ہے۔

اس سے قبل گزشتہ ماہ زمبابوے کے سابق کھلاڑی ہینری اولنگو نے ایکس کے ذریعے یہ خبر پہنچائی تھی کہ ان کے ساتھی اور زمبابوے کرکٹ ٹیم کے سابق کپتان ہیتھ اسٹریک کا انتقال ہوگیا ہے مگر کچھ دیر قبل ہینری اولنگو نے ہی یہ خبر پہنچائی ہے کہ ان کی ہیتھ اسٹریک سے بات ہوئی ہے اور وہ زندہ ہیں۔

ہینری اولنگو نے اپنی ٹوئیٹ میں کہا کہ ’ہیتھ اسٹریک سے متعلق موت کی خبروں میں حقائق کی کمی ہے۔ میری ابھی ان سے بات ہوئی ہے۔ تھرڈ امپائر نے اپنا فیصلہ واپس لے لیا ہے اور وہ زندہ ہیں‘۔

واضح رہے کہ ہیتھ اسٹریک کی خبر آنے کے بعد سابق کھلاڑیوں نے بھی تعزیتی پیغامات کا سلسلہ شروع کردیا تھا اور ان کی وفات کو کھیل کی دنیا سے متعلق بڑی خبر قرار دیا جارہا تھا۔

اس سے قبل سابق فاسٹ بولر ہنری اولونگو نے ایکس پر لکھا تھا کہ ’افسوسناک خبر ہے کہ زمبابوے کا سب سے لیجنڈ اور بڑا آل راؤنڈر ہیتھ اسٹریک چلا گیا ہے۔ خوشی ہے کہ ہم نے ہیتھ اسٹریک کے ساتھ کرکٹ کھیلی‘۔

خاندان نے میرے بہت سے دوسرے لوگوں کے لیے کیا کچھ کیا ‘۔

’ہمارے دل ٹوٹے ہوئے ہیں، آپ نے اپنے پیچھے ایک خوبصورت کنبہ اور ایک میراث چھوڑی ہے تاکہ ہم زندہ رہیں۔ ہم آپ سے بہت پیار کرتے ہیں اور آپ کو یاد کرتے رہیں گے۔‘

ہیتھ اسٹریک کا کیریئر

لیجنڈری کرکٹر ہیتھ اسٹریک زمبابوے کے پہلے بولر تھے جنہوں نے ٹیسٹ اور ایک روزہ کرکٹ میں 100 وکٹیں حاصل کیں۔

ہیتھ اسٹریک نے 65 ٹیسٹ اور 189 ون ڈے میچز کھیلے، انہوں نے 2000 سے 2004 تک زمبابوے ٹیم کی قیادت بھی کی۔

انہوں نے اپنے انٹرنیشنل کیریئر میں 4933 رنز بنائے اور 455 وکٹیں حاصل کیں۔