بھارتی ریاست کرناٹک میں بھارتیہ جنتا پارٹی کے سربراہ نلن کمار کتیل نے لوگوں سے اپیل کی ہے کہ وہ ٹیپو سلطان کے کٹر پیروکاروں کو مار دیں۔ انھوں نے کہا کہ ٹیپو سلطان کی اولاد کو کھدیڑ کر جنگلوں میں بھیج دینا چاہیے۔
بی جے پی کے ریاستی صدر نے ایک پارٹی جلسہ سے خطاب کرتے ہوئے شرکا سے پوچھا کہ آپ بھگوان ہنو مان کی پوجا کرتے ہیں یا ٹیپو کی ؟ پھر کیا آپ ان لوگوں کو جنگل بھیجیں گے جو ٹیپو کے کٹڑ پیروکار ہیں ؟ اس بارے میں سوچیں ۔ کیا آپ کے خیال میں اس ریاست کو ہنو مان کے بھگتوں کی ضرورت ہے یا ٹیپو سلطان کی اولاد کی؟ میں کہتا ہوں کہ جو لوگ ٹیپو کے کٹڑ پیروکار ہیں ، ان کو اس زرخیز سرزمین میں نہیں رہنا چاہیے۔
واضح رہے کہ ٹیپو سلطان اٹھارویں صدی میں ریاست میسور کے حکمران تھے۔ اور موجودہ بھارتی ریاست کرناٹک دراصل ریاست میسور ہی تھی۔ اس کا نام انیس سو تہتر میں تبدیل کردیا گیا تھا۔