پاکستانی کرکٹ ٹیم کے کپتان بابر اعظم اور بھارتی اسٹار بلے باز ویرات کوہلی کے مداح سماجی رابطوں کی ویب سائٹس پر دونوں اسٹارز کا موازنہ کرتے رہتے ہیں۔ جہاں بابراعظم کو بھارت سمیت پوری دنیا میں ان کی بہترین بلے بازی کی وجہ سے پسند کیا جاتا ہے وہیں ویرات کوہلی بھی پاکستانی کرکٹ شائقین کے پسندیدہ بلے باز ہیں۔
پاکستانی شائقین کرکٹ اکثر سماجی رابطوں کی ویب سائٹس پر مختلف طریقوں سے ویرات کوہلی سے اپنی محبت کا اظہار کرتے ہیں۔ اسی حوالے سے سماجی رابطے کی ویب سائٹ ایکس پر زیر بحث ایک ویڈیومیں دیکھا جا سکتا ہے کہ ہفتے کے روز سری لنکا کے شہر پالی کیلے میں پاکستانی خاتون مداح نے کہا کہ وہ صرف بھارتی بیٹر ویرات کوہلی کے لیے میچ دیکھنے آئی تھیں لیکن انہیں ویرات کوہلی کی جانب سے اچھی کارگردگی کا مظاہرہ نہ کرنے پر مایوسی ہوئی ہے۔
ویڈیو میں دیکھا جاسکتا ہے کہ خاتون مداح نے چہرے کے ایک طرف پاکستان جب کہ دوسری طرف بھارت کا جھنڈا پینٹ کیا ہوا ہے۔ ویڈیو وائرل ہوئی تو جہاں پاکستانی صارفین نے تبصرے کیے وہیں بھارتی ایکس صارفین نے بھی خوب بڑھ چڑھ کر حصہ لیا۔
بھارتی کالم نگار پروفیسراشوک سوین نے ایکس پر یہ ویڈیو پوسٹ کرتے ہوئے لکھا کہ کیا کوئی بھارتی لڑکی بابر اعظم کی تعریف کرکے بھارت میں محفوظ رہ سکتی ہے؟
Can an Indian girl openly say that she would like to see Babar Azam of Pakistan to score a century not India’s Virat Kohli and she wouldn’t not get lynched? pic.twitter.com/Sk8WJoaNRb
— Ashok Swain (@ashoswai) September 3, 2023
پروفیسراشوک سوین نے تبصرہ کیا تو جواب میں صارفین نے تبصروں کا انبار لگا دیا، کسی صارف نے لکھا کہ وہ پاکستان میں نہیں رہتیں اس لیے وہ یہ سب کہہ سکتی ہیں توکسی کا ماننا تھا کہ پاکستان میں ویرات کوہلی کے بہت سے مداح ہیں یہ اتنی بڑی بات نہیں۔
اسی حوالے سے صارف مفتی عالم نے لکھا کہ بھائی ہمیں کرکٹ پسند ہے۔ ویرات کوہلی ایک لیجنڈ ہے، اس سے کیوں کوئی فرق پڑے گا کہ وہ کس ملک سے تعلق رکھتا ہے ، وہ بھارتی شائقین سمیت ہم سب کے لیے اپنی عمدہ کارگردگی کی وجہ سے خوشی کا باعث بنتے ہیں۔
Bro we love cricket. Virat is a great player. Why does it matter where he’s from. He deserves recognition for his amazing skills. He brings joy to all of us. He brings joy to all Indian fans too. Cricket is an amazing sport. Growing in dubai we have played the game with all…
— Muffi Alam (@muffialam) September 3, 2023
ایک اور صارف نے تبصرہ کرتے ہوئے لکھا ہم امن چاہتے ہیں ، بھارت ہمارا دشمن نہیں ہے۔
We just want peace. India is not our enemy! https://t.co/RQJFX1Vu59
— Muhammad Jameel Memon (@jameelsindhu) September 4, 2023
صارفین کی غالب رائے تھی کہ کھیلوں کو سیاست سے دور رکھنا چاہیے، اسی حوالے سے صارف مصطفی کمال نے لکھا کہ تمام کھیلوں کا بنیادی مقصد لوگوں کومتحد کرنا ہونا چاہیے۔ بدقسمتی سے، بھارت اور پاکستان سمیت بہت سے ممالک میں کھیلوں پر بہت زیادہ سیاست کی جاتی ہے۔
The main goal of all sports should be unifying people not dividing them. Unfortunately, sports are heavily politicized in many countries including #India #Pakistan, and #Bangladesh #Cricket #AsiaCup2023 @ICC #ViratKohli #BabarAzam𓃵 #SakibAlHasan https://t.co/A2E2QODhnX
— Mostofa Kamal (@Palash_Kamal) September 4, 2023
صارفین کا ماننا تھا کہ انڈیا میں کھلے عام کسی پاکستانی کرکٹر کی تعریف کرنا ناممکن سی بات لگتی ہے، صارف بلے باز نے لکھا کہ یہ وہ آزادی ہے جو ہم اپنے لوگوں کو دیتے ہیں، ویرات کوہلی کا مداح ہونے کے ناطے ہمیں کوئی غدار نہیں بلائے گا۔
It’s about the freedom we give to our people no one will mark us traitors on loving Virat kholib
— Ballay Baaz (@Ballaybaaz) September 3, 2023
واضح رہے کہ اس سے قبل بلوچستان سے تعلق رکھنے والے کرکٹ فین نعیم نے گڈانی کے ساحل پر ویرات کوہلی کا ایک بڑا اسکیچ بنا کر بھارتی ٹیم کے سابق کپتان سے اپنی محبت کا اظہار کیا تھا جس سے سوشل میڈیا پر خوب سراہا گیا تھا۔
