سماجی رابطوں کی ویب سائٹس پر اکثر پاکستان کے سرکاری دفاتر کی حالت زار موضوع بحث رہتی ہے۔ ایسی ہی ایک ویڈیو اس وقت سماجی رابطے کی ویب سائٹ ایکس پر زیر بحث ہے جس میں دیکھا جاسکتا ہے کہ ایک سرکاری دفتر میں چند افراد موجود ہیں جن میں ایک خاتون بھی شامل ہیں جبکہ وہ خاتون اس دفتر میں بیٹھ کر گانا گا رہی ہیں۔
ویڈیو وائرل ہوتے ہی صارفین کی جانب سے دلچسپ تبصرے کیے گئے، کسی نے طنز و مزاح کا سہارا لیتے ہوئے تبصرہ کیا تو کسی نے شدید تنقید کا نشانہ بنا ڈالا۔ صارف ڈاکٹر دانش نے ویڈیو پوسٹ کرتےہوئے لکھا کہ ‘اب سرکاری افسر کے پاس یہی کام رہ گیا ہے سفارش اور پیسے دے کر افسر بنیں گے تو یہی نتیجہ نکلے گا’۔
اب سرکاری افسر کے پاس یہی کام رہ گیا ہے سفارش اور پیسے دے کر افسر بنیں گے تو رزلٹ ایسا آئے گا pic.twitter.com/eu7RmENyTC
— Dr. Danish (official) (@DrDanish5) September 4, 2023
ڈاکٹر دانش کی پوسٹ کا جواب دیتے ہوئے ایک صارف نے پوچھا کہ اس میں غلط کیا ہے؟ افتاب احمد نے لکھا کہ یہ آفس ہے اور اس سرکاری افسر کو عوام کے ٹیکس کے پیسوں سے کام کرنے کی تنخواہ دی جاتی ہے گانے سننے کے لیے نہیں۔
یہ آفس ہے اور اس سرکاری افسر کو عوام کے ٹیکس کے پیسوں سے تنخواہ دی جاتی ہے کام کرنے کے لئے سرکاری دفتر میں گانے سننے کے لئے نہیں۔
— Aftab Ahmad Goraya (@GorayaAftab) September 4, 2023
ویڈیو پر تبصرہ کرتے ہوئے ایک اور صارف نے طنزیہ انداز میں لکھا کہ شاید یہ ریڈیو اسٹیشن ہے۔
شاید یہ ریڈیو سٹیشن ہے
— Scorpius (@Zakiyah_49) September 4, 2023
صارف صبیح کاظمی نے ویڈیو پوسٹ کرتے ہوئے مزاحیہ انداز میں لکھا معیشت پر سرکاری کام ہوتے نظر آرہے ہیں۔
معیشت پر سرکاری کام ہوتے نظر آ رہیں ہیں 🤣 pic.twitter.com/sTZJBXghaE
— Sabee Kazmi (@SabeeKazmi786) September 5, 2023
صارفین کا ماننا تھا کہ اس طرح کی ویڈیوز سے پتا چلتا ہے کہ حکومت اور سرکاری ملازمین کس حد تک سنجیدہ ہیں۔ اسی حوالے سے صارف قمر عباس نے تبصرہ کرتے ہوئے لکھا کہ اب پکا چاند پر پہنچ جائیں گے۔
اب پکا چاند پر پہنچ جاہیں گے ۔
— چوھدری قمرعباس وڑاہچ (@QamarAb90231103) September 5, 2023
صارفین کا کہنا تھا کہ ہمارا معاشرہ اخلاقی زبوں حالی کی بہترین مثال بن چکا ہے۔ سرکاری ملازمین ایسے کام کرتے ہیں اسی وجہ سے پاکستان کبھی ترقی نہیں کر پائے گا۔