ٹک ٹاکر حریم شاہ کے شوہر بلال شاہ واپس گھر پہنچ گئے ہیں۔
ٹک ٹاکر حریم شاہ نے سوشل میڈیا پلیٹ فارم ایکس پر اپنے پیغام میں بتایا ہے کہ ان کے شوہر بلال شاہ آج صبح بحفاظت گھر واپس آگئے ہیں۔
حریم شاہ نے اپنے شوہر کی واپسی کے لیے دعا کرنے والے اپنے مداحوں کا شکریہ بھی ادا کیا ہے۔
الحمدللہ ، میرے شوہر بلال شاہ آج صبح بحفاظت گھر واپس آگئے ہیں۔ ان تمام لوگوں کا شکریہ جنہوں نے میرے شوہر کے لیے آواز اٹھائی۔ pic.twitter.com/6zmOay0Nr4
— Hareem Shah (@_Hareem_Shah) September 5, 2023
دوسری جانب بلال شاہ کی والدہ شہزادی بیگم نے بھی اپنے بیٹے کے گھر پہنچنے کی تصدیق کی ہے اور کہا ہے کہ بلال شاہ چند روزقبل لاپتہ ہوئے تھے جو کل رات 12 بجے گھر پہنچ گئے ہیں۔
شہزادی بیگم کا کہنا ہے کہ ان کے بیٹے بلال شاہ نے گھر واپس آنے کے بعد اب تک کچھ نہیں بتایا ہے۔
شوہر بلال شاہ کو کراچی سے اغوا کرلیا گیا ہے، حریم شاہ
ٹک ٹاکر حریم شاہ دو روز قبل ایکس پر اپنے پیغام میں کہا تھا کہ ان کے شوہر بلال شاہ کو کراچی سے اغوا کر لیا گیا ہے۔
میرے شوہر بلال کو سادہ کپڑوں میں ملبوس افراد اغواہ کرکے لئے گئے ہیں۔ قانون نافذ کرنیوالے اداروں سے درخواست کرتی ہوں میرے شوہر کا پتہ کروائیں۔ بلال کا کسی سیاسی جماعت سے کوئی تعلق نہیں۔ pic.twitter.com/lYebJ2clx6
— Hareem Shah (@_Hareem_Shah) September 3, 2023
ٹک ٹاکر نے کہا تھا کہ مجھے نہیں پتا میرے شوہر بلال شاہ کے اغوا میں کون لوگ ملوث ہیں؟ قانون نافذ کرنے والے اداروں سے درخواست ہےمیرے شوہر کو بازیاب کروایا جائے۔
حریم شاہ کا کہنا تھا کہ ’بلال شاہ گزشتہ ہفتے لندن میں میرے ساتھ تھے، وہ کراچی پہنچے تو انہیں سادہ کپڑوں میں ملبوس افراد نے اٹھا لیا۔‘
مریم نواز کی ایما پر میرے شوہر کو اغوا کیا گیا، حریم شاہ
بظاہر مریم نواز کی ایما پر میرے شوہر بلال کو کراچی سے اغواء کیا گیا ہے۔ آئی ایس آئی سے اپیل کرتی ہوں کہ بلال کو جلد از جلد بازیاب کرایا جائے۔ pic.twitter.com/PSpls0oJZR
— Hareem Shah (@_Hareem_Shah) September 4, 2023
حریم شاہ نے اپنے ایک اور پیغام میں کہا تھا کہ ’بظاہر مریم نواز کی ایما پر میرے شوہر بلال کو کراچی سے اغوا کیا گیا ہے، آئی ایس آئی سے اپیل کرتی ہوں کہ بلال کو جلد از جلد بازیاب کرایا جائے۔
