نگراں وفاقی وزیر آئی ٹی و ٹیلی کمیونیکیشن ڈاکٹر عمر سیف سے عالمی بینک کے کنٹری ڈائریکٹر ناجی بن ہسائن کی سربراہی میں وفد نے ملاقات کی۔
ملاقات میں دوطرفہ امور اور ’ڈیجیٹل اکنامی انہانسمنٹ پراجیکٹ‘کے حوالے سے تفصیلی گفتگو ہوئی۔
نگراں وفاقی وزیر آئی ٹی ڈاکٹر عمر سیف سے عالمی بینک کے وفد نے ملاقات کی۔
"ڈیجیٹل اکنامی اینحانسمنٹ پراجیکٹ سے گورنمنٹ کے تمام سسٹمز آپس میں لنک ہو جائیں گے اور لوگ تمام سروسز ایک پلیٹ فارم سے حاصل کر سکیں گے." @umarsaif #ConnectedGovernment #MOITT pic.twitter.com/OlCcR5IKwd
— Ministry of IT & Telecom (@MoitOfficial) September 7, 2023
ڈاکٹر عمرسیف نے کہا کہ صوبوں اور وفاق میں پچھلے چندسالوں میں ڈیجیٹلائزیشن کےحوالے سے بہت کام ہوا ہے لیکن تمام سسٹمز آپس میں انٹرلنک نہیں ہیں۔
ڈیجیٹل معیشت کے فروغ کے منصوبے (اکنامی انہانسمنٹ پراجیکٹ) سے گورنمنٹ کے تمام نظام آپس میں لنک ہو جائیں گے اور لوگ تمام سروسز ایک پلیٹ فارم سے حاصل کر سکیں گے۔
انہوں نے کہا کہ شہریوں کے لیے آن لائن ڈومیسائل، برتھ سرٹیفیکیٹ، این او سی، گاڑیوں کی رجسٹریشن اور دیگر سروسز لینے میں آسانی ہو گی۔اس منصوبے سے ٹیکسز کا دائرہ بڑھانے میں مدد ملے گی۔
ملاقات میں سیکرٹری آئی ٹی حسن ناصر جامی اور وزارت آئی ٹی کے سینئر افسران بھی موجود تھے۔
