پی ایس ایل 8 کے پانچویں میچ میں ملتان سلطانز کو پشاور زلمی کو 56 رنز سے شکست دینے میں کامیاب ہوگئی۔
ملتان سلطانز نے پشاور کو جیت کے لیے 211 رنز کا ہدف دیا تھا تاہم پشاور زلمی مطلوبہ ہدف حاصل نہ کر سکی اور 18.5 اوورز میں 154 رنز بناکر آؤٹ ہوگئی۔
ملتان سلطانز نے مقررہ اوورز میں 3 وکٹ کے نقصان پر 210 رنز بنائے۔
جنوبی افریقی بیٹر رائیلی روسو نے 75 رنز کی اننگز کھیلی، کپتان محمد رضوان نے 66 رنز بنائے۔
پشاور کی جانب سے محمد حارث 40 اور صائم ایوب 53 رنز بناکر نمایاں رہے۔ کپتان بابر اعظم 9 رنز بناکر آؤٹ ہوئے۔
ملتان کی جانب سے احسان اللہ اور اسامہ میر نے 3،3 وکٹیں حاصل کیں، عباس آفریدی دو وکٹیں لے سکے۔
پشاور زلمی نے ملتان سلطانز کےخلاف ٹاس جیت کر پہلے بولنگ کا فیصلہ کیا تھا۔
خیال رہے کہ ایچ بی ایل پی ایس ایل میں ملتان سلطانز 3 میچز کھیل چکی ہے جن میں سے اسے 2 میں فتح اور ایک میں شکست ہوئی ہے جبکہ پشاور زلمی نے 2 میچ کھیلے ہیں اور اسے ایک میں فتح اور ایک میں شکست ہوئی ہے۔
