اسلام آباد کی انسداد دہشت گردی عدالت نے سابق رکن قومی اسمبلی علی وزیر کی مبینہ فراڈ کے کیس میں ضمانت منظور کرتے ہوئے انہیں 20 ہزار روپے کے مچلکے جمع کرانے کا حکم دیا ہے۔
علی وزیر کو ضمانت پر رہا کرنے کا فیصلہ اسلام آباد کی انسداد دہشت گردی عدالت کے جج ابو الحسنات محمد ذوالقرنین نے سنایا، جنہوں نے آج سابق وزیر اعلی پنجاب پرویز الٰہی کی درخواست ضمانت پر بھی سماعت کی۔
سابق وزیر اعلی پنجاب چوہدری پرویز الہی کے وکیل سردارعبدالرازق عدالت میں پیش ہوئے تاہم استغاثہ کی جانب سے ریکارڈ جمع نہ کروایا جا سکا۔ عدالت نے درخواست ضمانت پر سماعت کل تک کے لیے ملتوی کر دی۔
پرویز الٰہی کے وکیل نے ان کے میڈیکل ٹیسٹ کی درخواست دائر کی جسے عدالت منظور کرتے ہوئے سپرٹینڈنٹ اڈیالہ جیل کو ہدایت جاری کردی ہیں۔