سابق پاکستانی کپتان وسیم اکرم بھی بہت سے شائقین کرکٹ کی طرح ایشیا کپ کے اہم ترین میچ پاکستان بمقابلہ انڈیا کا انتظار کر رہے ہیں۔
ایشین کرکٹ کونسل کی جانب سے کولمبو میں میچ کرانے کے فیصلے پر تحفظ کا اظہار کرنے والے وسیم اکرم بھی بارش سے متاثر ہوئے تو انہوں نے اپنا موضوع تبدیل کر ڈالا۔
پیر کی صبح جاری کی گئی ویڈیو میں وسیم اکرم نے کرکٹ کا نہیں بلکہ کرکٹ گراؤنڈ کے اردگرد کے موسم کا ذکر کیا۔
انہوں نے اپنے ویڈیو پیغام میں شائقین کرکٹ کو ‘موسم کی تازہ ترین صورتحال’ سے اپ ڈیٹ کیا تو ‘کریزی ویدر’ کا ہیش ٹیگ بھی سجایا۔
Another weather update only for you guys . #PakvsIndia #AsiaCup23 #colomboweather #crazyweather pic.twitter.com/alXk0YF2ht
— Wasim Akram (@wasimakramlive) September 11, 2023
موسم کا حال بتانے کے لیے وسیم اکرم’ویدر بوائے’ بنے تو مختلف افراد نے ان کے اس نئے روپ کو پسند کیا۔
کسی کو وسیم اکرم کا پنجابی ملا لہجہ بھایا تو کوئی خراب موسم کی خبر سن کر پریشان دکھائی دیا۔
Wasim Akram on Star Sports
"First thing first Pakistan deserved to host the entire Asia Cup at home, imagine what if we refuse to go to India for the WC & it ends up moving to some other neutral venue? BCCI and it's sec Jay Shah needs to be called out for such blatant hypocrisy" pic.twitter.com/S1p5MEuuVx
— F (@falahtah) September 10, 2023
اس موقع پر اس موقع پر وسیم اکرم کی گزشتہ روز ٹیلی ویژن پر کی گئی گفتگو کا ذکر بھی ہوا جس میں انہوں نے پورا ایشیا کپ پاکستان میں ہونے کا تقاضہ کیا تھا۔
اپنی گفتگو میں انہوں نے کہا تھا کہ ‘اندازہ کریں اگر ہم ورلڈ کپ کے لیے انڈیا جانے سے انکار کریں اور ٹورنامنٹ کسی نیوٹرول مقام پر شفٹ کرنا پڑے؟ انڈین کرکٹ بورڈ اور اس کے سیکرٹری جے شاہ کو اس کھلی منافقت پر پوچھا جانا چاہیے۔’