بالی ووڈ سپر اسٹار شاہ رخ خان کی ’جوان‘ پرانے ریکارڈ توڑ کر نئے معیارات قائم کر رہی ہے۔
بھارتی میڈیا کے مطابق ستمبر کو ریلیز ہونے والی ایکشن سے بھرپور فلم ’جوان‘نے پہلے ہی دن 75 کروڑ روپے کا ناقابل یقین بزنس عبور کیا۔
انڈسٹری ٹریکر ساکنلک کے ابتدائی تخمینے کے مطابق مذکورہ فلم نے یہ ریکارڈ بھی توڑتے ہوئے اتوار کو 81 کروڑ روپے کمائے۔ یہ وہ فلم ہے جس نے ایک دن میں سب سے زیادہ کلیکشن ریکارڈ کیا ہے۔ پٹھان نے اپنی ریلیز کے دوسرے دن پورے ہندوستان میں 70 کروڑ 50لاکھ روپے کمائے تھے۔ جوان اپنے چوتھے دن یعنی اتوار کو اس تعداد کو عبور کرنے میں کامیاب ہو گئی۔
شاہ رخ خان کی فلم پٹھان کی تاریخی کامیابی کے بعد جوان اس سال کی دوسری فیچر فلم ہے۔ جوان اب باکس آفس پر پٹھان کے ریکارڈ کو آسانی سے توڑنے کے نزدیک ہے۔
صرف تین دنوں میں 200 کروڑ روپے کمانے کا ریکارڈ بھی جوان کے پاس ہے۔ پٹھان 4 دن میں اس تک پہنچنے میں کامیاب ہو ئی تھی اور غدر 2 نے یہ 5 دنوں میں حاصل کیا تھا۔
