سن1977 میں فلم ’اسٹار وارز‘ میں اسکرین پر استعمال ہونے والا ونگ جٹ فائٹر طیارے کا ماڈل دوبارہ منظر عام پر آ گیا ہے اور اسے 4 لاکھ ڈالر (12 کروڑ پاکستانی روپے) کی ابتدائی بولی کے ساتھ نیلام کیا جا رہا ہے۔ جٹ طیارے کا یہ ماڈل ایک طویل عرصے سے گم ہو گیا تھا جس کی تلاش جاری تھی۔
امریکا میں ہیریٹیج آکشنز کے حکام کا کہنا ہے کہ جب طیارے کے اس ماڈل کو گریگ جین جو گزشتہ سال انتقال کر گئے تھے، کے ساز و سامان میں تلاش کیا گیا تو اس کاکئی کوئی سراغ نہیں مل سکا، تب سے اس ماڈل کو طویل عرصے سے ‘گمشدہ ایکس ونگ’ کے نام سے پکارا جانے لگا تھا۔
حکام کا کہنا ہے کہ فلم میکر گریگ جین نے طیارے کے اس ماڈل کو فلموں میں استعمال کیا تھا جس کی وجہ سے انہیں اسٹار ٹریک اور کلوز انکاؤنٹرز آف دی تھرڈ کائنڈ سمیت دیگر فلموں میں ایوارڈز مل چکے ہیں۔
حکام کے مطابق اسٹار وارز قسط چہارم ’ اے نیو ہوپ‘ یعنی ایک نئی اُمید میں جنگ کے لحمات کے دوران استعمال ہونے والے اس طیارے کے ماڈل کے اوپری دو پروں پر سرخ پٹیاں ہیں ، جس سے اسے باغی اتحاد اسکواڈرن کے ’ریڈ لیڈر‘ کے طور پر شناخت کیا جاتا ہے۔
اس ماڈل کو لیوک اسکائی واکر کے جہاز ریڈ فائیو اور ویج اینٹیلس کے ریڈ ٹو کی فلم بندی کے دوران بھی استعمال کیا گیا تھا۔
ہیریٹیج آکشنز کا کہنا ہے کہ ایکس ونگ ‘اسٹار وارز کے فن پاروں کی مارکیٹ میں بہت بھاری قیمت لگائی جاتی ہے۔
ماڈل کو انڈسٹریل لائٹ اینڈ میجک ٹیم نے کئی دہائیوں سے گم شدہ تصور کیا تھا۔ یہ ماڈل 14 سے 15 اکتوبر تک نیلام کیا جائے گا جس کی ابتدائی بولی 4 لاکھ ڈالر (12 کروڑ روپے پاکستانی روپے) مقرر کی گئی ہے۔
