کراچی کے علاقہ ہاکس بے میں سینڈز پٹ ساحل کے قریب 2 نوجوان سمندر میں ڈوب کر ہلاک جب کہ ایک کو بچالیا گیا ہے۔
ذرائع کے مطابق سمندری موجوں میں گم ہونیوالے 3 افراد کے لیے ریسکیو آپریشن میں ایک نوجوان کو بے ہوشی کی حالت میں نکال لیا گیا ہے جب کہ باقی دو نوجوان جاںبر نہ ہوسکے۔
سمندر میں ڈوبنے والے تینوں افراد کراچی کے علاقہ پاپوش کے رہائشی بتائے جاتے ہیں، جو پکنک منانے کی غرض سے سینڈز پٹ کے ساحل پر آئے ہوئے تھے۔
سمندر میں ڈوب کر ہلاک ہونے والے نوجوانوں کی شناخت فرحان اور نعمان کے ناموں سے ہوئی، جن کی لاشیں نکال کر ایدھی سردخانہ منتقل کردی گئی ہیں۔
