روس کے صدر ولادی میر پوٹن کی قریبی ساتھی ایک بلندو بالا عمارت کی سولہویں منزل سے گر کر ہلاک ہو گئیں ۔ غیر ملکی میڈیا کے مطابق مرینا ینکینا روسی وزارت دفاع کے مالی معاونت کے شعبہ سے وابستہ تھیں ۔
رپورٹس کے مطابق 58 سالہ مرینا کی لاش سینٹ پیٹرز برگ کے علاقہ میں ایک رہائشی کمپلیکس کے فرش پر پڑی ملی جس کو ایک راہ گیر نے پہچان لیا۔
مرینا کو یوکرائن جنگ کے لئے فنڈنگ بڑھانے والی شخصیات میں شامل سمجھا جاتا تھا۔ رپورٹس کے مطابق عمارت سے ملنے والی اشیا سے اندازہ ہوتا ہے کہ اپارٹمنٹ مرینا کے شوہر کی ملکیت ہے، تاہم وہ وہاں مقیم نہیں تھیں۔
روس میں چند دن کے وقفے سے یہ دوسری اعلیٰ شخصیت کی موت ہے۔ اس سے پہلے میجر جنرل ولادی میر ماکاروف نے خودکشی کرلی تھی، جنھیں حال ہی میں روسی صدر پوٹن نے ان کے عہدے سے برطرف کردیا تھا۔
