ڈیرہ اسماعیل خان: بغیر وارنٹ گھر میں گھسنے پر تھانیدار کے خلاف مثالی کارروائی

بدھ 13 ستمبر 2023

ڈیرہ اسماعیل خان میں بغیر وارنٹ کے گھر میں گھسنے پر ایس ایچ او کو 3 سال قید اور ایک لاکھ روپے جرمانہ کردیا گیا۔

ڈیرہ اسماعیل خان کے ایڈیشنل سیشن جج 6 الیاس خان کی عدالت نے چادر و چار دیواری تقدس پامال کرنے کی پاداش میں ایس ایچ او ٹاؤن شپ مختیار احمد کو سیکشن 32 کے تحت3 سال قید اور ایک لاکھ روپے جرمانہ کی سزا دی ہے۔

سابق ایس ایچ او مختیارخان شہری کے گھر بغیر کسی سرچ وارنٹ کے داخل ہوا تھا۔ شہری برکت اللہ نے چادر و چاردیواری کا تقدس پامال ہونے پر عدالت سے رجوع کیا تھا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں