غیر ملکی سفارتکاروں اور سیاحوں کا پاکستان سے ہمیشہ ہی لگاؤ رہا ہے، وہ تاریخی و تفریحی مقامات دیکھنے کے لیے پاکستان کا رُخ کرتے ہیں اور پاکستانی ثقافت اور تاریخی عمارات کی خوب پذیرائی بھی کرتے ہیں۔
حال ہی میں پاکستان میں آسٹریلیا کے ہائی کمشنر نیل ہاکنز نے بھی ملک کے معروف دینی ادارے جامع مسجد آسٹریلیا لاہور کا دورہ کیا اور اساتذہ وطلبا سے ملاقات کی اور تصاویر بھی بنوائیں۔
سماجی رابطے کی سائیٹ ’ایکس‘ پر مسجد کے دورے کی تصاویر شیئر کرتے ہوئے ان کا کہنا تھا کہ لاہور کی ’آسٹریلین مسجد‘ کو ایک پوشیدہ خزانہ قرار دیتے ہوئے بتایا کہ یہاں بانی پاکستانی قائد اعظم محمد علی جناح اور شاعر مشرق علامہ اقبال نے نماز پڑھی تھی۔ انہوں نے کہا کہ یہ پوشیدہ خزانہ پاکستان اور آسٹریلیا کے درمیان ثقافت کی کہانی ہے۔
ان کا مزید کہنا تھا کہ اس مسجد کا نام خواجہ بخش کے نام پر رکھا گیا ہے جو 1800 کی دہائی میں آسٹریلیا گئے تھے۔
Real treat visiting #Lahore’s 'Australian Masjid,’ where Jinnah & Iqbal prayed! This hidden gem tells the story of rich cultural exchange between 🇵🇰 & 🇦🇺. Named after founder Khwaja Bakhsh who went to Australia in the 1800s. Great to meet the teachers & students! #JummahMubarak! pic.twitter.com/bQgATVdhMO
— Neil Hawkins (@AusHCPak) September 15, 2023
آسٹریلین ہائی کمشنر نے طلبا کے ساتھ تصاویر بھی سوشل میڈیا پر شیئر کرتے ہوئے لکھا کہ مجھے اساتذہ اور طلباء سے مل کر بے حد خوشی ہوئی۔
ساتھ ہی انہوں نے تمام مسلمانوں کو جمعہ کی مبارک بھی دی
سوشل میڈیا پر صارفین نے آسٹریلین ہائی کمشنر کے دورے کو سراہا اور ان کی تعریف کی۔
رضوان لکھتے ہیں کہ یقین نہیں آتا کہ پاکستان میں ایسی مسجد بھی موجود ہے۔ انہوں نے حیرانی کا اظہار کرتے ہوئے لکھا کہ مجھے حیرت ہے آپ نے اسے دریافت کیسے کیا؟ ساتھ ہی انہوں نے آسٹریلین ہائی کمشنر کا شکریہ ادا کیا کہ پاکستان اور آسٹریلیا کے طویل عرصے سے قائم تعلق کو مزید وسعت دینے کی وجوہات مل گئی ہیں۔
Still unbelievable to know such a mosque exists in the 💖 of Pakistan. Wonder how you discovered it. But 👏 many thanks for telling the 🌏about it. 🇵🇰🤝🇦🇺 more reasons to strengthen & expand long established bonds@anwaar_kakar @CMShehbaz @OfficialDGISPR
— Rizwan (@RizwanA03003071) September 15, 2023
ایک صارف نے لا علمی کا اظہار کرتے ہوئے لکھا کہ مجھے اب تک اس تاریخ کے بارے میں علم نہیں ہے۔
Even i didnt know about this till now..
— Faraz Kiani 🇵🇰🇦🇺 (@FarazKiani01) September 15, 2023
واضح رہے مسلم لیگ (ن) کی چیف آرگنائزر مریم نواز سے پاکستان میں آسٹریلیا کے ہائی کمشنر نیل ہاکنز نے گزشتہ روز ملاقات کی، ملاقات میں دونوں ممالک کے تعلقات اور باہمی دلچسپی کے امور پر تبادلہ خیال کیا گیا۔
