امریکی فوج کے سینٹرل کمانڈ کےمطابق امریکی فوج نے شامی فورسزکی مدد سے ہفتے کی شام کارروائی کے دوران داعش کے ایک صوبائی عہدے دار کو گرفتار کر لیا ہے۔
امریکی فوج کی سینٹرل کمانڈ نے کہا کہ “آپریشن کے دوران بطار نامی داعش اہلکار کو گرفتار کیا ہے جو حراستی مراکز پر حملوں کی منصوبہ بندی اور دھماکہ خیز آلات بنانے میں ملوث تھا”۔
فرانسیسی خبررساں ادارے اے ایف پی کے مطابق امریکہ نے کردوں کی زیر قیادت سیرئین ڈیموکریٹک فورسزکی مدد سے یہ کارروائی کی جس میں عام شہریوں اور افواج کو کوئی نقصان نہیں پہنچا۔
امریکی سینٹرل کمانڈ کے مطابق ہفتے کی شام کو داعش کے ایک صوبائی عہدیدار کو گرفتار کر لیا۔
سینٹرل کمانڈ نے کہا کہ یہ چھاپہ چار امریکی فوجیوں کے زخمی ہونے کے ایک دن بعد ہوا جب انہوں نے شمال مشرقی شام میں داعش کے ایک سینئر رہنما کو مارنے کے لیے چھاپہ مارا تھا۔
اس چھاپے کے نتیجے میں حمزہ الحمسی کے نام سے شناخت شدہ داعش رہنما کی موت واقع ہوئی، جس کے بارے میں سینٹرل کمانڈ نے کہا کہ “یہ مشرقی شام میں ایک خطرناک دہشت گرد نیٹ ورک کی نگرانی کرتا تھا۔”
واشنگٹن داعش سے لڑنے والے بین الاقوامی اتحاد کی قیادت کررہا ہے اور اس گروپ کو نشانہ بنانے کے لیے وقتاً فوقتاً چھاپے اور حملے کرتا ہے۔
