ایشیا کپ میں بھارت کے ہاتھوں عبرتناک شکست اور ٹورنامنٹ سے باہر ہونے کے بعد سے پاکستان کرکٹ ٹیم میں گروہ بندی کی خبریں سامنے آرہیں ہیں۔
ایشیا کپ کے ورچوئل سیمی فائنل میں سری لنکا سے شکست کے بعد ڈریسنگ روم میں بابر اعظم کی کھلاڑیوں پر غصہ کرنے اور قومی ٹیم کے فاسٹ بولر شاہین آفریدی کے مابین سخت جملوں کے تبادلے کی خبریں بھی اس وقت سماجی رابطے کی ویب سائٹ ایکس کی زینت بنی ہوئی ہے۔
صارفین کی جانب سے تشویش کا اظہار کیا جا رہا تھا کہ ورلڈ کپ سے پہلے ڈریسنگ روم کا ماحول خراب ہونا کھلاڑیوں کی پرفارمنس پر اثر انداز ہوسکتا ہے۔ اسی دوران قومی ٹیم کے سٹار پلیئر شاہین آفریدی نے تمام افوہواں کا گلا گھونٹ دیا۔
شاہین آفریدی نے اپنے آفیشل ایکس اکاؤنٹ پر اپنی اور کپتان بابر اعظم کی ایک تصویر پوسٹ کرتے ہوئے لکھا ‘فیملی’
family ❤️ pic.twitter.com/VjKAFOTIE5
— Shaheen Shah Afridi (@iShaheenAfridi) September 19, 2023
شاہین آفریدی کی تصویر پوسٹ کرنے کی دیر تھی کہ مداحوں نے تبصروں کا ایک انبار لگا دیا ، کسی نے پراپیگنڈا کرنے والوں کو خوب تنقید کا نشانہ بنایا اور کسی نے سوشل میڈیا پر بیٹھے کرکٹ ایکسپرٹس کی خوب کلاس لگائی۔ ایک صارف نے تبصرہ کرتے ہوئے لکھا اللہ ٹیم میں ایسے ہی اتحاد و اتفاق رکھے اتحاد کے بغیر کامیابی ممکن نہیں۔
اللہ ٹیم میں ایسے ہی اتحاد و اتفاق رکھے اتحاد کے بغیر کامیابی ممکن نہیں ۔۔۔۔
— Saad Maqsood سعـــــد مقصـــــــــود (@SaadMaqsud) September 19, 2023
ایک اور صارف نے اسی حوالے سے تبصرہ کرتے ہوئے لکھا شاہین اتنی دیر کیوں کردی؟
Took too long shaheena 😬
— nav_97 (@MMalik002) September 19, 2023
تصویر پر کمنٹ کرتے ہوئے ایک صارف نے پوچھا کیا دونوں میں لڑائی کی خبر جھوٹی تھی؟
Dono me Jhagra hone ki baat jhuti thi??
— Md Husnain (@mdrj007) September 19, 2023
ایک اور صارف نے تبصرہ کرتے ہوئے لکھا کام ایسا کرو کہ دوستی کا ثبوت دینا پڑ جائے، دونوں کو ایک ساتھ دیکھ کر اچھا لگا۔
Kaam aisa karo ki dosti ka proof dena pad jaye…good to see them together ❤️
— Hussain (@imhussy92) September 19, 2023
گفتگو مزید آگے بڑھی تو صارفین نے سپورٹس جرنسلٹس کو خوب آڑے ہاتھوں لیا، ایک صارف نے اسی حوالے سے تبصرہ کرتے ہوئے لکھا ذرائع بتا رہے ہیں کہ پاکستانی صحافیوں میں سے چند ایک نے سرف کھا لیا ہے اور ان کو اسپتال لے جایا گیا ہے۔
Sources are telling that few of the Pakistani journalists with credible sources have eaten Surf and are taken to the hospital after seeing Shaheen Shah Afridi taking their agenda to the cleaners !!!
❤️🇵🇰— Waqar Afridi (@WakaAfridi) September 19, 2023
واضح رہے کہ اس سے قبل ایشیا کپ کو سری لنکا سے کور کرنے والے اسپورٹس جرنلسٹ نے مائیکرو بلاگنگ پلیٹ فارم ’ایکس‘ پر اپنی پوسٹ میں دعویٰ کیا ہے کہ ڈریسنگ روم میں بابر اعظم کافی غصے میں دکھائی دیے اور وہ ساتھی کھلاڑیوں کی کارکردگی سے خوش نہیں تھے۔
