ملتان سلطانز نے پی ایس ایل کے ساتویں میچ میں اسلام آباد یونائیٹڈ کو 52 رنز سے شکست دے دی۔
اسلام آباد یونائیٹڈ کے کپتان شاداب خان نے ٹاس جیت کر پہلے بولنگ کا فیصلہ کیا
ملتان سلطانز نے میچ کے شروع میں شان مسعود کے آؤٹ ہونے کے بعد بھی شاندار بلے بازی کا مظاہرہ کیا۔ محمد رضوان اور ڈیوڈ ملر نے نصف سنچریاں اسکور کی جس کی بدولت ملتان سلطانز نے مقررہ 20 اورر میں چار وکٹوں کے نقصان پر 190 رنز بنائے۔
اسلام آباد کی جانب سے ٹام کرن، شاداب خان اور محمد وسیم جونیئر نے ایک ایک وکٹ حاصل کی۔
جواب میں اسلام آباد کی شروعات کافی خراب رہی پال سٹرلنگ آغاز میں ہی اپنی وکٹ گنوا بیٹھے۔ جس کے بعد کولن منرو اور ڈیر ڈوسن کی شاندار کھیل کا مظاہرہ کیا لیکن وقفے وقفے سے اسلام آباد کی وکٹیں گرتی رہی اور اسلام آباد کی پوری ٹیم 17.5 اورز میں 138 رنز بنا کر آؤٹ ہو گئی
ملتان سلطانز کی جانب سے عباس آفریدی چار کھلاڑیوں کو آؤٹ کر کے مین آف دی میچ رہے۔
خیال رہے کہ پی ایس ایل 8 میں ملتان سلطانز 3 میچز کھیل چکی ہے جن میں سے اسے 2 میں فتح اور ایک میں شکست ہوئی ہے جبکہ اسلام آباد یونائیٹڈ کا یہ دوسرا میچ ہے کراچی کنگز کے خلاف کھیلے گئے پہلے میچ میں اسلام آباد یونائیٹڈ 4 وکٹوں سے کامیاب ہوئی تھی۔
