پاکستان رینجرز (سندھ) کا کچے کے ڈاکوؤں کے خلاف کریک ڈاؤن جاری ہے، ممدانی گینگ کے 7 ملزمان کو گرفتار کر لیا۔
سندھ رینجرز اور پولیس نے خفیہ اطلاعات پر کارروائی کرتے ہوئے اندرون سندھ کی تحصیل کندھ کوٹ میں واقع گاؤں اللہ ورایو سے ممدانی گینگ کے 7 ملزمان کو گرفتار کر لیا۔
گرفتار ملزمان کے قبضے سے مختلف نوعیت کا اسلحہ، گولہ بارود، موبائل فونز اور نقدی برآمد ہوئی ہے، مذکورہ علاقہ بلوچستان کے قریب ہے اور نوگو ایریا بنا ہوا تھا۔
گرفتارملزمان کو مع اسلحہ و ایمونیشن، موبائل فونز اور نقدی مزید قانونی کارروائی کے لیے پولیس کے حوالے کر دیا گیا ہے۔
یہاں یہ بات بھی قابل ذکر ہے کہ رینجرز اور پولیس نے کچے کے ڈاکوؤں کے خلاف آپریشن کامیاب بنانے کے لیے عوام سے بھی مدد کی اپیل کی ہے اور کہا ہے کہ ڈاکوؤں کے بارے میں اطلاع دینے والے کا نام صیغہ راز میں رکھا جائے گا۔
