شاہین شاہ آفریدی نے شادی کے بعد پہلا پیغام سوشل میڈیا پر شیئر کیا، جس پر شاہین شاہ آفریدی کے مداحوں اور مختلف پاکستانی شخصیات نے مبارکباد دی اور دلچسپ تبصرے بھی کیے۔
کچھ عرصہ قبل رشتہ ازدواج میں منسلک ہونے والے قومی کرکٹ ٹیم کے فاسٹ بولر شاہین شاہ آفریدی نے شادی کی تقریبات مکمل ہونے کے بعد اپنا پہلا پیغام سوشل میڈیا ویب سائٹ ایکس پر شیئر کیا۔
فاسٹ بولر شاہین شاہ کی جانب سے دو تصویریں شیئر کی گئیں ایک تصویر میں ان کے ہمراہ سابق کپتان اور ان کے سسر شاہد آفریدی موجود ہیں، اور دوسری تصویر ان کی اہلیہ انشا آفریدی کے ہمراہ ہے۔
Thank you everyone for the warm and lovely wishes. Here is to the beginning of love and laughter with the special one. ❤️ pic.twitter.com/vJi8zGkQJr
— Shaheen Shah Afridi (@iShaheenAfridi) September 22, 2023
ان دلچسپ تصاویر کے ساتھ شاہین شاہ آفریدی نے کیپشن میں پیغام پوسٹ کرتے ہوئے لکھا کہ ’ان کی شادی کے موقع پر آنے والے تمام مہمانوں کا شکریہ، آپ سب کی نیک خواہشات اور تمناؤں کا بھی شکریہ، یہ میری زندگی کی کسی خاص انسان کے ساتھ پیار محبت اور خوشیوں کی نئی شروعات ہے۔‘
Congratulations Khan!! May Allah give you & our Bhabi happiness, a better future & health. Congratulations to both families.
— Ihtisham Ul Haq (@iihtishamm) September 22, 2023
شاہین شاہ آفریدی کی پوسٹ پر ان کے مداحوں نے شادی کی مبارکباد دی اور نیک تمناؤں کا اظہار کیا۔
Congratulations 🎉
— Salman Durrani (@DurraniViews) September 22, 2023
ٹک ٹاکر اور سوشل میڈیا اسٹار حریم شاہ نے بھی شاہین شاہ آفریدی کے ٹویٹ پر تبصرہ کرتے ہوئے مبارک باد پیش کی اور لکھا کہ بس اب انشا کو دماغ سے نکال لو اور ورلڈ کپ پر فوکس کرو۔
https://twitter.com/_Hareem_Shah/status/1705266047828287710
واضح رہے تیز رفتار بولر شاہین شاہ آفریدی اور سابق کپتان شاہد آفریدی کی دوسری صاحبزادی انشا آفریدی کی شادی کی تقریب 19 ستمبر کو کراچی جبکہ ولیمہ 21 ستمبر کو اسلام آباد میں منعقد ہوا تھا جس کی سوشل میڈیا اور الیکٹرانک میڈیا پر خوب پذیرائی ہوئی۔