اورنگی ٹاؤن کراچی سے 11 سالہ بچی طیبہ کے اغوا کا مقدمہ درج کر لیا گیا ہے۔ طیبہ گھر سے چیز لینے نکلی تھی جسے انہی کے کرائے دار نے اغوا کر لیا تھا۔ پولیس نے اغوا میں ملوث خاتون روبینہ کے شوہر کو حراست میں لے لیا ہے۔
کراچی پولیس کے مطابق ملزم فیاض نے دوران تفتیش انکشاف کیا کہ بچی کو اس کی بیوی ملتان لے گئی ہے جبکہ 4 روز گذر جانے کے باوجود بھی بچی کو بازیاب نہیں کرایا جا سکا۔
کراچی پولیس نے پنجاب مظفرگڑھ کے تھانہ شاہ سلطان میں خاتون کی گرفتاری کے لیے رابطہ کیا تاہم مطفرگڑھ پولیس نے خاتون اور بچی کی موجودگی سے انکار کر دیا ہے۔
مزید پڑھیں
پولیس نے اس خدشے کا اظہار کیا ہے کہ مبینہ طور پر بچی کو پنجاب میں فروخت کردیا گیا ہے۔ ملزمہ روبینہ گھروں میں کام کرتی تھی جبکہ اس کا شوہر پھلوں کا ٹھیلہ لگاتا ہے۔
پولیس کے مطابق کچی آبادی سے اغوا ہونے والوں بچوں میں ان کے پڑوسی ملوث ہوتے ہیں۔ رواں سال کے گزرے 8 ماہ میں ایک ہزار 5 سو 99 بچے لاپتا ہیں۔ مبینہ اغوا اور گمشدہ 518 بچوں کا تاحال سراغ نہیں لگایا جا سکا۔
