لاہور کی انسداد دہشت گردی عدالت نے پاکستان مسلم لیگ ن کی ترجمان مریم اورنگزیب اور سابق ممبر قومی اسمبلی جاوید لطیف کو اشتعال انگیز تقاریر کرنے کے کیس میں طلب کر لیا ہے۔
انسداد دہشتگردی عدالت کی جج عبہر گل نے مریم اورنگزیب اور جاوید لطیف کے خلاف کیس کی سماعت کی ہے۔
عدالت کی جانب سے دونوں مسلم لیگی رہنماؤں کو اشتعال انگیز تقاریر کرنے پر 30 ستمبر کو طلب کر لیا گیا ہے۔
ترجمان مسلم لیگ ن مریم اورنگزیب اور سابق ممبر قومی اسمبلی جاوید لطیف پر تھانہ گرین ٹاؤن میں مقدمہ درج ہے، عدالت نے پولیس کی جانب سے ایف آئی آر سے دہشتگردی کی دفعات ختم کرنے پر اعتراض لگایا تھا۔
