ملک میں بجلی کی پیداوار میں جاری مالی سال کے پہلے دو ماہ میں سالانہ بنیادوں پر 9.2 فیصد کی شرح نمو ریکارڈ کی گئی، جولائی اور اگست میں ملک میں بجلی کی مجموعی پیداوار 30 ہزار 799 گیگا واٹ آوورز ریکارڈ کی گئی، جو گزشتہ مالی سال کی اسی مدت کے مقابلے میں 9.2 فیصد زیادہ ہے۔
نیپرا اور عارف حبیب ریسرچ کے اعداد و شمار کے مطابق گزشتہ مالی سال کے پہلے 2 ماہ میں ملک میں 28 ہزار 203 گیگا واٹ آوورز بجلی کی پیداوار ہوئی تھی۔ اگست میں ملک میں 15 ہزار 959 گیگا واٹ آوورز بجلی کی پیداوار ہوئی جو گزشتہ سال اگست کے مقابلے میں 13.6 فیصد زیادہ ہے۔
گزشتہ سال اگست میں ملک میں 14053 گیگا واٹ آوورز بجلی کی پیداوارحاصل ہوئی تھی۔ جولائی کے مقابلے میں اگست میں ملک میں بجلی کی پیداوارمیں ماہانہ بنیادوں پر7.5 فیصد کی نمو ہوئی۔ جولائی میں ملک میں 14 ہزار 839 گیگا واٹ آوورز بجلی کی پیداوار حاصل ہوئی جو اگست میں بڑھ کر15 ہزار 959 گیگا واٹ آوورز ہوگئی۔
اعدادوشمارکے مطابق جاری مالی سال کے پہلے 2 ماہ میں پانی سے 11 ہزار 524 گیگا واٹ آوورز بجلی حاصل ہوئی جو گزشتہ مالی سال کی اسی مدت کے مقابلے میں 11.6 فیصد زیادہ ہے۔ گزشتہ مالی سال کے پہلے 2 ماہ میں پن بجلی کی پیداوار کا حجم 10 ہزار 331 گیگا واٹ آوورز ریکارڈ کیا گیا۔
مزید پڑھیں
اسی طرح آر ایل این جی سے جاری مالی سال کے پہلے 2 ماہ میں 5 ہزار 659 گیگا واٹ آوورز بجلی حاصل ہوئی جو گزشتہ مالی سال کی اسی مدت کے مقابلے میں 40.6 فیصد زیادہ ہے۔
گزشتہ مالی سال کی اسی مدت میں آر ایل این جی سے 3875 گیگا واٹ آوورز بجلی حاصل ہوئی تھی۔ کوئلے سے جاری مالی سال کے پہلے 2 ماہ میں 4537 گیگا واٹ آوورز بجلی حاصل ہوئی جو گزشتہ مالی سال کی اسی مدت کے مقابلے میں 14.4 فیصد زیادہ ہے۔
گزشتہ مالی سال کی اسی مدت میں کوئلے سے 3965 گیگا واٹ آوورزبجلی حاصل ہوئی تھی۔ نیوکلیئرذرائع سے جاری مالی سال کے پہلے 2 ماہ میں 4147 گیگا واٹ آوورز بجلی حاصل ہوئی جو گزشتہ مالی سال کی اسی مدت کے 3884 گیگا واٹ آوورز کے مقابلے میں 6.8 فیصد زیادہ ہے۔
جاری مالی سال کے پہلے 2 ماہ میں گیس سے 2343 گیگاواٹ آوورز، ہوا سے 1354 گیگاواٹ آوورز، فرنس آئل سے 944 گیگا واٹ آوورز اورشمسی 159 گیگا واٹ آوورز بجلی حاصل کی گئی۔
