ملتان میں مدرسے کے معلم نے سابق یاد نہ کرنے پر معصوم بچے کی زبان پر کیل رکھ کر تشدد کیا ہے، اس دوران کیل بچے کے حلق میں چلی گئی۔
پولیس نے بتایا ہے کہ سبق یاد نہ کرنے پر مدرسے کے قاری نے کیل بچے کی زبان کے نیچے رکھ دی، بچہ کے رونے اور سانس لینے کی وجہ سے کیل حلق میں چلی گئی جس کی وجہ سے اس کی حالت غیر ہو گئی اور الٹیاں آنا شروع ہو گئیں۔
واقعہ کے بعد بچے کو فوراً نشستر اسپتال لایا گیا جہاں پر ڈاکٹروں نے پیچیدہ آپریشن کے ذریعے 6 سینٹی میٹر لمبی کیل نکال لی۔
نشتر اسپتال کے ایم ایس ڈاکٹر امجد راؤ نے بتایا ہے کہ آپریشن کے بعد اب بچے کی حالت تسلی بخش ہے۔
دوسری جانب بچے کو ایسی سزا دینے کے خلاف مدرسے کے معلم کے خلاف مقدمہ درج کر لیا گیا ہے، پولیس کا کہنا ہے کہ ملزم کو جلد گرفتار کر لیا جائے گا۔
