پاکستان کے ایک نجی ٹی وی ٹاک شو کے دوران مسلم لیگ ن کے سینیٹر افنان اللہ اور تحریک انصاف کے وکیل شیر افضل مروت کے درمیان ہاتھا پائی ہوئی۔
اینکر پرسن جاوید چوہدری کے پروگرام ’کل تک‘ میں شیر افضل مروت نے ن لیگ کے سینیٹر افنان اللہ کو تھپڑ رسید کیا اور افنان اللہ نے پی ٹی آئی وکیل کو جواباً زمین پر گرایا اور مُکے برسائے اور لاتیں ماریں۔
بعد ازاں ٹیلی ویژن پروگرام میں شریک مہمان کو پیٹنے والے تحریک انصاف کے حامی اور عمران خان کے وکیل شہرافضل مروت نے اینکر پرسن وسیم بادامی کے ساتھ گفتگو میں لڑائی کا احوال بتایا تو کہا کہ ’عمران خان کو گالیاں دینے پر ان کی ٹریٹمنٹ بنتی تھی‘۔
عمران خان کو افنان اللہ نے گالی دی مجھے تو اردو میں گالیاں بھی نہیں آتیں تو میں نے ویسے ہی جواب دیا جیسے پٹھان دیتے ہیں، پھر وہ بھاگ گیا، شیر افضل مروت#11thHour https://t.co/iNhStJXZ4F
— Waseem Badami (@WaseemBadami) September 27, 2023
ان کا کہنا تھا کہ افنان اللہ نے عمران خان کو گالی دی جو مجھ سے برداشت نہیں ہوئی، مجھے گالی دیتے تو میں کنٹرول کر لیتا لیکن میں خان صاحب کا وکیل ہونے کے ساتھ ساتھ ان کا مرید بھی ہوں۔ عمران خان کو گالی دینے اور یہودی ایجنٹ پکارنے پر میں نے ان کو تھپڑ مارا۔
شیر افضل مروت نے کہا کہ وہ پٹھان ہیں اور پٹھان گالی کے جواب میں تھپڑ مارتے ہیں۔
لڑائی کی تصاویر وائرل ہونے پر سماجی رابطوں کی سائیٹ ایکس پر صارفین کی جانب سے ردِ عمل سامنے آیا کسی نے لڑائی پر تبصرہ کیا تو کوئی صحافی جاوید چوہدری پر تنقید کرتا نظر آیا۔
ایک صارف نے صحافی جاوید چوہدری کو تنقید کا نشانہ بناتے ہوئے لکھا کہ جاوید چوہدری صرف ویووز کے چکر میں ہی پڑ چکے ہیں، مصالحہ نیوز اپنے ہی چینل پر ریلیز کر دی۔
جاوید چوہدری صاحب بھی بس ویوز کے چکر میں ہی پڑ چکے ہیں ۔۔۔مصالحہ نیوز اپنے چینل پر ریلیز کر دی pic.twitter.com/eEFSrxYgAp
— A.khan (@ASK7799) September 27, 2023
صحافی مغیث علی نے فردوس عاشق اعوان اور قادر مندوخیل کی ایک تصویر شیئر کرتے ہوئے لکھا کہ مجھے ایک دوست نے واٹس ایپ پر یہ تصویر بھیج کر پوچھا یہ سارے مکے حکیم صاحب کے شو میں کیوں چلتے ہیں؟
ایک دوست نے واٹس ایپ پر یہ تصویر بھیج کر پوچھا یہ سارے مکے حکیم صاحب کے شو میں کیوں چلتے ہیں؟ pic.twitter.com/115JzL8DGv
— Mughees Ali (@mugheesali81) September 27, 2023
سرفراز نثار لکھتے ہیں کہ سینیٹر افنان اللہ اور تحریک انصاف کے وکیل شیر افضل مروت کی لڑائی کی وجوہات جاوید چوہدری نے اپنی زبانی بتا دی ہیں کہ چند الفاظ سے شروعات ہوئی تو شیر افضل مروت نے ہاتھا پائی شروع کردی۔
ان کا مزید کہنا تھا کہ جب ان سے دلیل سے بات نہیں ہوتی تو بد تہذیبی اور جہالت کا راستہ اختیار کرتے ہیں۔ اس ویڈیو میں ایک وکیل کی بدمعاشی دیکھی جا سکتی ہے۔
جاوید چوہدری صاحب کے پروگرام کل تک میں سینٹر افنان اللہ اور تحریک انصاف کے وکیل شیر افضل مروت کی لڑائی کی وجوہات جاوید چوہدری نے اپنی زبانی بتا دی کہ چند الفاظ سے شروعات ہوئی تو افضل مروت صاحب نے ہاتھ پائی شروع کردی جب دلیل سے ان سے بات نہیں ہوتی تو بد تہذیبی اور جہالت کا راستہ… pic.twitter.com/PCsOburLFn
— Sarfraz Nisar (@SarfrazzPMLN) September 27, 2023
فتح اللہ بخاری لکھتے ہیں کہ جو بھی خان کو گالی دے گا اس کے ساتھ وہی سلوک ہوگا جو آج رات شیر افضل خان مروت کے ہاتھوں سینیٹر افنان اللہ کے ساتھ ہوا۔ ان کا کہنا تھا کہ میں اس واقعے کا عینی شاہد تھا، جاوید چوہدری کے شو کی ریکارڈنگ کے دوران سینیٹر افنان اللہ نے شیر افضل صاحب کی موجودگی میں عمران خان کو گالیاں دینا شروع کر دیں۔
انہوں نے مزید کہا کہ یہ سینیٹر افنان اللہ کی ایک مہلک غلطی تھی کیونکہ اگلے ہی لمحے شیر افضل خان مروت کو کیمرے کے سامنے سینیٹر افنان اللہ کو مکے اور لاتیں مارتے ہوئے دیکھا گیا۔
جو بھی خان کو گالی دے گا اس کے ساتھ وہی سلوک ہوگا جو آج رات شیر افضل خان مروت کے ہاتھوں سینیٹر افنان اللہ کے ساتھ ہوا۔ میں اس واقعے کا عینی شاہد تھا۔
ایکسپریس ٹی وی کے دفتر اسلام آباد میں جاوید چوہدری کے شو کی ریکارڈنگ کے دوران سینیٹر افنان اللہ نے شیر افضل صاحب کی موجودگی 1/1— Fateh ullah Burki (@fatii_burki) September 27, 2023
واضح رہے کہ جاوید چوہدری نے رات تقریباً 2 بجے اپنے یو ٹیوب چینل پر ایک ویڈیو جاری کی جس میں پی ٹی آئی وکیل شیر افضل مروت اور ن لیگ کے سینیٹر افنان اللہ کی لڑائی کی تصاویر جاری کیں اور کہا کہ ہمیں سمجھ ہی نہیں آئی کے اس معاملے کو کیسے کنٹرول کریں، سیٹ پر بہت ہنگامہ ہوا اور اس معاملے کو بہت مشکل سے کنٹرول کیا گیا۔
جاوید چوہدری کا کہنا تھا کہ وہ آج رات 9بجے کی وی لاگ میں ویڈیوز جاری کریں گے جس میں وہ پوری تفصیلات بتائیں گے کہ کس کا قصور تھا اور کس نے کیا کیا؟
