آئل اینڈ گیس ریگولیٹری اتھارٹی (اوگرا) نے لیکوڈ پیٹرولیم گیس ( ایل پی جی) کی قیمتوں میں اضافے کا نوٹیفکیشن جاری کر دیا ہے، نئی قیمتوں کا اطلاق یکم اکتوبر سے ہوگا۔
آئل اینڈ گیس ریگولیٹری اتھارٹی (اوگرا) کی جانب سے جاری نوٹیفکیشن کے مطابق فی کلو ایل پی جی کی قیمت میں 20 روپے 86 پیسے کا اضافہ کیا گیا ہے جس کے بعد ایک کلو ایل پی جی کی قیمت 260 روپے 98 پیسے مقرر کر دی گئی ہے۔
اسی طرح گھریلو سلنڈر کی قیمت میں 246 روپے 15 پیسے کا اضافہ کیا گیا ہے جس کے بعد اب گھریلو سلنڈر کی قیمت 2833 روپے سے بڑھا کر 3079 روپے 64 پیسے مقرر کر دی گئی ہے۔ نئی قیمتوں کا اطلاق ہفتہ کے روز رات 12 بجے سے ہو جائے گا۔ اس سے قبل اوگرا نے یکم ستمبر 2023 کو لیکوڈ پیٹرولیم گیس ( ایل پی جی ) کی قیمتوں میں اضافے کا نوٹیفکیشن جاری کیا تھا
