ورلڈ کپ 2023: حیدر آباد میں گرین شرٹس کی بھرپور خاطر مدارت

اتوار 1 اکتوبر 2023
icon-facebook icon-twitter icon-whatsapp

بھارت میں ہونے والے ورلڈ کپ 2023 کے لیے قومی ٹیم اس وقت حیدرآباد میں قیام پذیر ہے، پاکستان کرکٹ بورڈ (پی سی بی) نے قومی ٹیم کے کھلاڑیوں کی بھارت کی جانب سے کی جانے والی خاطر مدارت کی ویڈیو شیئر کی گئی، جس میں کھلاڑیوں کے ہوٹل آنے جانے، کھانے پینے اور تفریح کی جھلکیاں دکھائی گئیں۔

پی سی بی نے سوشل میڈیا ویب سائٹ ایکس پر ایک ویڈیو پوسٹ کی جس میں دیکھا جا سکتا ہے کہ کھلاڑی عشائیے پر جانے سے پہلے حیدرآباد کے ایک ہوٹل کی لابی میں موجود ہیں اور خوش گپیوں میں مصروف ہیں۔ ویڈیو میں کوچز اسٹاف سمیت میڈیکل اور سیکیورٹی اسٹاف بھی کھلاڑیوں کے ہمراہ دکھائی دے رہا ہے۔

پی سی بی کی شیئر کردہ ویڈیو کے مطابق بھارت کی جانب سے بابر الیون کو حیدرآباد میں ہی تفریح اورعشائیہ کے لیے لے جایا گیا، بس میں سوار ہو کر کھلاڑی بھارت کی سڑکوں پر نظارے کرتے رہے اور محظوظ ہوتے رہے۔

عشائیے کے لیے ہوٹل پہنچتے ہی کھلاڑیوں کا شاندار استقبال کیا گیا، تمام کھلاڑیوں کو پھول دیے گئے اور گلے میں ہار پہنائے گئے۔ کھلاڑیوں کو حیدر آباد کے نواب آف نظام آرٹ گیلری کا بھی وزٹ کرایا گیا۔

حسن علی نے اپنا انداز اپناتے ہوئے وہاں بھی ایک منفرد حرکت کی، حسن علی نے محمد رضوان کے سامنے سیلوٹ کی جس پر محمد رضوان نے ہنستے ہوئے حسن علی کو پھول دیا اور ہار پہنا دیا۔ شائقین کرکٹ نے حسن علی کی اس حرکت پر خوب تبصرے بھی کیے۔

اس کے بعد کھلاڑیوں کو عشائیہ دیا گیا جس میں مزے مزے کے کھابے اور روایتی ڈشز پیش کی گئیں۔ کھلاڑی پر لطف کھانے سے خوب محظوظ ہوتے ہوئے دکھائی دیے۔ آخر میں کھلاڑیوں کو حیدر آباد کا سب سے مشہور میٹھا پان بھی پیش کیا گیا۔

ہوٹل میں موجود اسٹاف نے قومی ٹیم کے کھلاڑیوں کے ساتھ سیلفیاں بنائیں، ہوٹل میں بھارتی شہری بھی پیچھے نہ رہے اور کھلاڑیوں کے ساتھ سیلفیاں بناتے رہے۔ تفریح اور عشائیے کے بعد کھلاڑیوں کو دوبارہ ان کی رہائش گاہ منتقل کر دیا گیا۔

واضح رہے ورلڈ کپ 2023 5 اکتوبر سے شروع ہو رہا ہے، جبکہ پاکستان اور بھارت کا بڑا ٹاکرا 14 اکتوبر کو حیدر آباد میں احمد آباد کے نریندر مودی اسٹیڈیم میں ہوگا جس کا شائقین کو بے صبری سے انتظار ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

بنگلہ دیش میں 5.7 شدت کا زلزلہ، ڈھاکہ میں ہلچل

انتخابی ضابطہ اخلاق کی خلاف ورزی، الیکشن کمیشن کی جانب سے وزراء کو نوٹس جاری

افغانستان میں دہشتگرد تنظیموں کے بڑھتے اثر و رسوخ پر روس کی وارننگ

یورپی یونین فورم کے موقع پر اسحاق ڈار کی سفارتی سرگرمیاں تیز، ڈچ وزیر خارجہ سے اہم ملاقات

سیکیورٹی خدشات: جعفر اور بولان ایکسپریس جیکب آباد میں روک دی گئیں

ویڈیو

شیخ حسینہ واجد کی سزا پر بنگلہ دیشی عوام کیا کہتے ہیں؟

راولپنڈی میں گرین انیشی ایٹیو کے تحت الیکٹرو بس سروس کا باضابطہ آغاز

پختون قوم پرست جماعت عوامی نیشنل پارٹی کے مستقبل کو کتنا خطرہ ہے؟

کالم / تجزیہ

آزادی رائے کو بھونکنے دو

فتنہ الخوارج، تاریخی پس منظر اور آج کی مماثلت

افغان، بھارت تجارت: طالبان ماضی سے کیوں نہیں سیکھ پا رہے؟