پاکستان تحریک انصاف (پی ٹی آئی) نے اپنے سپورٹرز کو عمران خان کی سالگرہ کی تاریخ یاد کراتے ہوئے ان سے اس روز ’نیکی یا بھلائی کا کام‘ کرنے کی استدعا کی ہے۔
’ایکس‘ پر ایک پوسٹ میں پی ٹی آئی نے لکھا، ’چیئرمین عمران خان کی سالگرہ 5 اکتوبر کو آرہی ہے، چونکہ وہ احساس کرنے اور محروم طبقات کا خیال رکھنے پر یقین رکھتے ہیں لہٰذا آئیں عمران خان کے لیے نیکی کا کام کرنے کا ارادہ کریں‘۔
اپنی پوسٹ میں پی ٹی آئی نے اپنے سپورٹرز سے نیکی کے کاموں سے متعلق نئے آئیڈیاز شیئر کرنے کی استدعا بھی کی اور کہا، ’5 اکتوبر کو ہم عمران خان کی سالگرہ منانے کے لیے اپنی کوششوں کی تصاویر اور ویڈیوز بھی پوسٹ کر سکتے ہیں‘۔
Chairman Imran Khan's birthday is coming up on Oct 5th. Since he believes in #Ehsaas & taking care of underprivileged, lets plan to execute an "Act of Kindness for IK".
In this thread, plz share ideas for acts. On Oct 5th, we can post pics & videos of our effort to celebrate IK.
— PTI (@PTIofficial) October 1, 2023
پی ٹی آئی کی اس پوسٹ کے جواب میں بیشتر ’ایکس‘ صارفین نے شوکت خانم میموریل کینسر اسپتال کو عطیات دینے اور مستحق افراد میں کھانا تقسیم کرنے کی تجویز دی۔
صارف جبران الیاس نے مستحق افراد میں کھانا تقسیم کرنے، یتیم خانوں میں جا کر بچوں کے ساتھ وقت گزارنے اور شوکت خانم اسپتال اور دیگر ایسے اداروں کو عطیات دینے کی تجویز پیش کی۔
Some ideas for the "Act of Kindness"
1) Find deserving people and ask if you can help them with their bills or distribute food to them
2) Go to Orphanage and spend time with kids there
3) Donate to @SKMCH and other charities you trust #HappyBirthdayImranKhan
— Jibran Ilyas (@agentjay2009) October 1, 2023
صارف حسین شریف نے کہا کہ وہ قیدی جو 5 سے 10 ہزار روپے تک کا جرمانہ ادا نہ کر سکنے کی وجہ سے قید کاٹ رہے ہیں ان کا جرمانہ ادا کر کے انہیں رہائی دلوائی جائے۔
وہ قیدی جو جرمانہ ادا نہ کر سکنے کی وجہ سے قید کاٹ رہے انکا جرمانہ ادا کر کے رہای دلوای جاۓ۔
جیلوں میں بہت لوگ قید جو پانچ دس ہزار جرمانے کے عوض قید کاٹ رہے۔@NaeemPanjuthaa
Plz advise. Thanks🙏🏻— Husayn Sharif (@Husaynsharif) October 1, 2023
صارف ڈاکٹرایم کیو نے مشورہ دیا کہ ہومیو پیتھک اقدامات کے بجائے ایک پرزور احتجاج مناسب رہے گا، ہم انہیں اس وقت جب وہ تکلیف میں ہیں کوئی بزرگ یا صوفی نہیں بنانا چاہتے، آپ کو گلیوں میں، سوشل میڈیا اور عالمی میڈیا سمیت ہر جگہ تحریک پیدا کرنے کی ضرورت ہے۔
A massive protest would be more appropriate than homeopathic measures! We need Khan out of prison! We don’t want to make him a saint whilst he suffers. You need to build momentum on the streets, on social media, in international media – everywhere!!
— Dr MQ (@PeaceMatters01) October 1, 2023
چند ایسے صارفین بھی تھے جنہوں نے نہایت منفرد تجاویز پیش کیں۔ صارف ’فری‘ نے مشورہ دیا کہ اڈیالہ کے آس پاس سالگرہ مبارک کے غبارے خان صاحب کی تصویر کے ساتھ فضا میں چھوڑنے چاہییں اور جو لوگ دور ہیں وہ ایسا اپنے گھروں میں کریں۔
اڈیالہ کے آس پاس سالگرہ مبارک کے غبارے خان صاحب کی تصویر کے ساتھ فضا میں چھوڑنے چاہئیں اور جو دور ہیں اپنے گھروں سے
— Fari (@Furiousdesi) October 1, 2023
صارف ایم نعمان نے لکھا، ’میرے خیال میں تمام تحریک انصاف والوں کو اپنے اپنے گھروں میں سبز اور لال غبارے پھلا پھلا کر پھاڑنے چاہییں‘۔
میرے خیال میں تمام تحریک انصاف والوں کو اپنے اپنے گھروں میں سبز اور لال غبارے پھلا پھلا کر پھاڑنے چاہئیں۔
— M Noman (@MNQHI) October 1, 2023
بشریٰ خان نے لکھا، ’ میرے خیال میں ہمیں کشمیر آزاد کروانا چاہیے تاکہ ریاست کو یہ میسج پہنچے کے ہم ابھی بھی اپنے دلیر لیڈر عمران خان کے ساتھ کھڑے ہیں لیکن بحثیت قوم ہم اتنے دلیر نہیں۔‘
میرے خیال میں ہمیں کشمیر آزاد کروانا چاہیے تاکہ ریاست کو یہ میسج پہنچے کے ہم ابھی بھی اپنے دلیر لیڈر عمران خان کے ساتھ کھڑے ہیں لیکن بحثیت قوم ہم اتنے دلیر نہیں۔
— Bushra Khan PTI (@Bushrapti1) October 1, 2023
ایک اور پوسٹ میں پی ٹی آئی نے کہا کہ ’ہم نے عمران خان کو خطوط لکھنے شروع کیے ہیں تاکہ اس بات کا اظہار کیا جا سکے کہ ہم ان کو کس قدر سراہتے ہیں اور ان کے جیل میں ہونے پر ہم کیسا محسوس کرتے ہیں‘۔
Dear #PakistanFamily,
We have started writing letters to Imran Khan to express how much we admire him & how we feel about him being in jail.If you'd like us to share your letter with him, share picture of the letter by quote tweeting this tweet & using #LetterToImranKhan HT pic.twitter.com/hzWKU77Ciw
— PTI (@PTIofficial) August 23, 2023
پی ٹی آئی نے اپنے سپورٹرز سے کہا کہ وہ اپنے خطوط کی تصاویر اس پوسٹ کے جواب میں شیئر کریں۔ اس پوسٹ کے جواب میں پی ٹی آئی سپورٹرز نے عمران خان کے لیے لکھے گئے خطوط شیئر کیے جن میں سے چند یہ ہیں:
