بول، منٹو، بِن روئے، قائداعظم زندہ باد، ایکٹر اِن لا، ورنہ، سات دن محبت اِن، پرے ہَٹ لو، رئیس، دی لیجنڈ آف مولا جٹ جیسی نامور فلموں میں کام کرنے والی ماہرہ خان نے اپنے دوست مشہور اور مشہور کاروباری شخصیت سلیم کریم سے شادی کر لی۔
ماہرہ خان کی شادی کا اعلان ان کی مینجر انوشے طلحہٰ نے اپنی انسٹاگرام سٹوری کے ذریعے کیا۔
View this post on Instagram
ویڈیو میں دیکھا جاسکتا ہے کہ آئیوری لہنگے میں ملبوس ماہرہ دولہا کی طرف چل کر جاتی ہیں جبکہ سلیم نے سیاہ شیروانی زیب تن کی ہوئی ہے اور ان کی آنکھوں سے خوشی کے آنسو جاری ہیں۔ اداکارہ کی شادی کی تقریب میں محدود تعداد میں رشتے دار اور قریبی دوستوں نے شرکت کی۔
اداکارہ اور سلیم کریم کی شادی کے مناظر سوشل میڈیا پر وائرل ہیں اور مداحوں نے ان کے لیے دعائیں اور نیک تمناؤں کا اظہار شروع کردیا ہے۔
مائیکرو بلاگنگ ویب سائٹ ایکس پر احتشام صدیق نے اپنی پوسٹ میں دولہا اور دلہن کو مبارک باد دیتے ہوئے ان کے لیے نیک خواہشات کا اظہار کیا۔
May Allah (S.W.T) bless both of you guys. Congratulations #MahiraKhan pic.twitter.com/AcAhElQf4L
— Ehtisham Siddique (@iMShami_) October 2, 2023
یو خٹک نامی ایکس صارف نے اپنی پوسٹ میں سلیم کریم کے رونے پر تبصرہ کرتے ہوئے لکھا کہ مرد کا شادی میں رونا اب نیا رواج ہے اور ساتھ ہی انہوں نے ماہرہ خان اور ان کے شوہر کے لباس کی بھی تعریف کی۔
Men crying at their wedding is a new trend. meanwhile, #MahiraKhan looks stunning as always. pic.twitter.com/r6kqO0vssh
— ᴜ. (@Ukhattak01) October 2, 2023
سرحد پار ایکس صارفین بھی ماہرہ خان کی شادی پر اتنے ہی خوش دکھائی دیئے جتنے پاکستانی۔ ایک بھارتی ایکس صارف سربھی نے اپنی پوسٹ میں لکھا کہ ماہرہ خان نے شادی کر لی۔ یہ ایک یاد دہانی ہے کہ محبت پر یقین کبھی مت چھوڑیں، یہ آپ کی طرف بار بار واپس آئے گی۔ جب آپ کو اس کی طلب نہیں بھی ہوگی تب بھی یہ آپ کو ڈھونڈ لے گی۔
Damn! Mahira Khan is married.🥹
This is your reminder to never stop believing in love; it will come back to you again and again. It will find you, even when you aren't looking for it.❤️
Video credit: Instagram pic.twitter.com/iz6q2Khx7C— Surbhi (@vijaysurbhi_2) October 2, 2023
واصف فاروقی نامی ایکس صارف نے ماہرہ خان کو ’ماہرہ سلیم خان‘ کے نام سے مخاطب کرتے ہوئے لکھا کہ سفید جوڑے سے بہتر آپ کے لیے اور کچھ نہیں ہو سکتا، میں اس ویڈیو کو بار بار دیکھ رہا ہوں اور رو رہا ہوں چلو اللہ حافظ۔
Ladies and Gentlemen:
“MAHIRA SALIM KHAN”
How can it be anything other than white for you . Watching this on loop. With all The love I have for you, HEARTIEST CONGRATULATIONS.
I'm crying okay bye! 🥺😮💨#mahirakhan #mahirawedssalim #mahirakishaadi #Mahirakhan #wedding pic.twitter.com/8HfAaJN4gG— Wasif Farooqui (@WasifFarooqui7) October 2, 2023
سعدیہ نے اپنی پوسٹ میں ماہرہ خان کی شادی کی ویڈیو شیئر کرتے ہوئے لکھا کہ دونوں خوشی سے رو رہے ہیں اور میرا دل پگھل رہا ہے۔
BOTH OF THEM ARE CRYING AND MY HEART IS MELTING 🥺🤍#Mahirakhan pic.twitter.com/GlJgYieCxA
— s🪻 (@khawbgah) October 1, 2023
ماہرہ خان کے شوہر سلیم کریم کون ہیں؟
ماہرہ خان کے شوہر سلیم کریم کاروباری شخصیت ہیں، جنہوں نے سِم پیسہ کے سی ای او کے طور پر کاروباری دنیا میں اپنی شناخت بنائی ہے۔ مزید تفصیلات کے مطابق سلیم کریم کا یہ سٹارٹ اپ لوگوں کو اپنے سم کارڈز کے ذریعے براہ راست ادائیگیاں کرنے کی سہولت فراہم کرتا ہے، اور لاتعداد لوگوں کے لیے مالی لین دین کو آسان بناتا ہے۔ کمپنی مبینہ طور پر 15 سے زیادہ ممالک میں مختلف شعبوں کے تاجروں کو سہولت فراہم کرتی ہے۔
ماہرہ اور سلیم کا مبینہ طور پر پہلی بار 2017 میں ٹیپ میڈ نامی ٹیلی ویژن ایپلی کیشن کے لانچ کے موقع پر آمنا سامنا ہوا تھا۔
ڈسپیچ نیوز ڈیسک کی 2019 کی رپورٹ کے مطابق، 2019 میں ماہرہ خان نے ترکی میں ایک تقریب میں منگنی کی جس میں قریبی دوستوں اور خاندان والوں نے شرکت کی۔ رپورٹ کے مطابق، سلیم نہ صرف کراچی میں قائم سٹارٹ اپ سِم پیسہ کے سی ای او ہیں بلکہ ایک پیشہ ور ڈی جے بھی ہیں۔
واضح رہے کہ 2سال پہلے ماہرہ خان نے انسٹاگرام پر ایک پوسٹ شیئر کی تھی جس میں انہوں نے اپنے دوست سلیم کریم سے محبت کا اظہار کیا تھا۔
